ءبىلىم
وقۋ-اعارتۋ ۆيتسە-ءمينيسترى دۇنيەدەن ءوتتى
فوتو:ينستاگرام
قر وقۋ-اعارتۋ ءبىرىنشى ۆيتسە-ءمينيسترى ناتاليا جۇمادىلداەۆا ومىردەن وزدى, دەپ حابارلايدى qandastar.kz
— بۇگىن ارىپتەسىمىز, قر وقۋ-اعارتۋ ءبىرىنشى ۆيتسە-ءمينيسترى ناتاليا جۇمادىلداەۆانىڭ ومىردەن وزعانى تۋرالى قارالى حاباردى ەستىپ, قابىرعامىز قايىسىپ وتىر. ول ءوزىنىڭ ەڭبەك جولىن باستاۋىش سىنىپ مۇعالىمى بولىپ باستادى. ءار جىلدارى مەكتەپ ديرەكتورى, قىزىلوردا قالالىق ءبىلىم ءبولىمىنىڭ باسشىسىنىڭ ورىنباسارى, قر پارلامەنتى ءماجىلىسىنىڭ VI شاقىرىلىمىنىڭ دەپۋتاتى, قر وقۋ-اعارتۋ مينيسترلىگىنىڭ مەكتەپكە دەيىنگى ءبىلىم دەپارتامەنتىن باسقارا وتىرىپ, مەكتەپكە دەيىنگى جانە ورتا ءبىلىم بەرۋدى دامىتۋعا ەلەۋلى ۇلەس قوستى. ول ءبىلىم جۇيەسىن جەتىلدىرۋگە جانە بالالاردىڭ ساپالى ءبىلىم الۋىنا قولايلى جاعداي جاساۋعا ەرەكشە نازار اۋداردى. ءبىلىم بەرۋ سالاسىنىڭ وسىنداي بىلىكتى ماماندارىنىڭ ورتامىزدان كەتۋى — ورنى تولماس وكىنىش. ناتاليا ۆاسيلەۆنانىڭ تۋىستارى مەن جاقىندارىنا قايعىرىپ كوڭىل ايتامىن! — دەپ جازدى ول.
