Oqýshy qyz ben anasyn uryp óltirgen eks-muǵalimniń isi ashyq sotta qaralady

Oqýshy qyz ben onyń anasyn aıýandyqpen óltirgen eks-muǵalimniń soty qalaı ótetini belgili boldy.

Túrkistan oblystyq soty qoǵamdy dúr silkindirgen iske qatysty sot proesi ashyq ótetinin málimdedi, dep habarlady qandastar.kz portaly otyrar.kz saıtyna silteme jasap.

Iaǵnı, qylmystyq is alqabılerdiń qatysýymen qaralady. Búginde alqabıler tańdalyp ta qoıǵan. Aıta ketsek, er adamǵa 3 birdeı qylmystyq bap boıynsha aıyp taǵylyp otyr.

Túrkistan oblystyq sotynyń baspasóz qyzmeti: «Is materıaldaryna sáıkes, sotqa deıingi tergep-tekserý organdary sottalýshyǵa qylmysqa daıyndalý jáne qylmysqa oqtalý (QK 24-baby 3-bóligi), kámeletke tolmaǵan adamdy zorlaý (QK 120-baby 3-1-bóligi 1-tarmaǵy), eki nemese odan kóp adamdy óltirý (QK 99-baby 2-bóligi 1, 3, 10, 14-tarmaqtary) qylmystyq áreketteri boıynsha aıyp taǵyp, sotqa joldaǵan. Sottalýshynyń ótinish haty boıynsha is alqabılerdiń qatysýymen ashyq sot otyrysynda qaralýda»

Eske salsaq, 12 qyrkúıek kúni Keles aýdanynda jantúrshigerlik qandy qylmys bolǵan edi. Mańaıda turatyn aýyl turǵyny shyrt uıqyda jatqan 46 jastaǵy áıel men onyń 15 jasar qyzyn óltirip ketken. Áleýmettik jelide taraǵan aqparatqa sáıkes, kúdikti muǵalim bolyp qyzmet atqaryp júrip oqýshy qyzǵa qyryndaǵan. Muny bilgen anasy pedagogtyń ústinen aryz túsiripti. Jumystan qýylǵan er adam eki birdeı adamnan kek alǵan kórinedi. Istiń anyq-qanyǵy endi sot proesinde belgili bolady.