جاڭالىقتار
وقۋشىلار «اقوردا» رەزيدەنتسياسىنا ەكسكۋرسياعا باردى
فوتو: اقوردا
حالىقارالىق بالالاردى قورعاۋ كۇنىنە وراي ەلىمىزدىڭ بارلىق وڭىرىنەن كەلگەن وقۋشىلار اقوردادا قوناق بولدى.
پرەزيدەنت رەزيدەنتسياسىنا وقۋ ۇزدىكتەرى, ءپان وليمپيادالارىنىڭ, رەسپۋبليكالىق جانە حالىقارالىق بايقاۋلاردىڭ جەڭىمپازدارى, سپورت سايىستارىنىڭ جۇلدەگەرلەرى, باتىل ارەكەتىمەن كوزگە تۇسكەن بالالار باردى. اقوردانىڭ كىشكەنتاي قوناقتارىنىڭ قاتارىندا كوپبالالى وتباسىلاردان شىققان, اتا-اناسىنىڭ قامقورلىعىنسىز قالعان جانە ەرەكشە قاجەتتىلىگى بار جەتكىنشەكتەر دە بار.
«ەكسكۋرسيا كەزىندە وقۋشىلار اقوردانىڭ ورتالىق سالتاناتتى حولى مەن رەسمي قابىلداۋلار وتكىزۋگە ارنالعان زالداردى, مەملەكەت باسشىسىنىڭ كىتاپحاناسىن, سونداي-اق رەزيدەنتسيا اۋماعىنداعى باقتى ارالادى», — دەپ جازىلعان حابارلامادا.
ەكسكۋرسوۆودتار عيمارات قۇرىلىسىنىڭ تاريحى, ونىڭ ەرەكشەلىكتەرى مەن مۇندا وتەتىن ءىس-شارالارعا بايلانىستى قىزىقتى فاكتىلەر جايىندا مالىمەت بەردى.
سونىمەن قاتار وقۋشىلارعا پرەزيدەنت اتىنان ەستەلىك سىيلىقتار تابىستالدى.
