Oqýshylar «Aqorda» rezıdenııasyna ekskýrsııaǵa bardy

Foto: Aqorda

Halyqaralyq balalardy qorǵaý kúnine oraı elimizdiń barlyq óńirinen kelgen oqýshylar Aqordada qonaq boldy.

Prezıdent rezıdenııasyna oqý úzdikteri, pán olımpıadalarynyń, respýblıkalyq jáne halyqaralyq baıqaýlardyń jeńimpazdary, sport saıystarynyń júldegerleri, batyl áreketimen kózge túsken balalar bardy. Aqordanyń kishkentaı qonaqtarynyń qatarynda kópbalaly otbasylardan shyqqan, ata-anasynyń qamqorlyǵynsyz qalǵan jáne erekshe qajettiligi bar jetkinshekter de bar.

«Ekskýrsııa kezinde oqýshylar Aqordanyń ortalyq saltanatty holy men resmı qabyldaýlar ótkizýge arnalǵan zaldardy, memleket basshysynyń kitaphanasyn, sondaı-aq rezıdenııa aýmaǵyndaǵy baqty aralady», — dep jazylǵan habarlamada.

Ekskýrsovodtar ǵımarat qurylysynyń tarıhy, onyń erekshelikteri men munda ótetin is-sharalarǵa baılanysty qyzyqty faktiler jaıynda málimet berdi.

Sonymen qatar oqýshylarǵa prezıdent atynan estelik syılyqtar tabystaldy.