Áleýmet jáne qoǵam
«Ol áıeldi uratyn ashana batyry!»: Zańger qazaq bapkeriniń bylyǵyn áshkereledi
Foto: sn.kz
Ol tipti óziniń qateligin aıtqan ata-analardy uryp, sot aldynda jaýap bergen.
Jelide Parıj Olımpıadasynda Týnıske altyn medal alyp bergen qazaq bapkeri Esbol Sultanovtyń ersi áreketi túsirilgen vıdeo týraly tarady. Belgili zańger Aıgúl Orynbektiń jazýynsha, ol «áıeldi uratyn ashana batyry», dep habarlaıdy qandastar.kz Skifnews.kz aqparat portalyna silteme jasap.
«Týnıs sportshysyna altyn alyp bergen qazaq bapkeri!
Bul jigit elde júrgen kezde qanshama talanty jigitter sporttan bezip ketken! Tipti óziniń qateligin aıtqan ata-analardy uryp, sot aldynda jaýap bergen. Tipti ulttyq quramada júrgende de nátıje kórsetpegen. Sebebi onyń nıeti tek aqsha boldy. Shet elge de sol aqsha úshin ketti degen oıdamyn. Ony batyr qylýdy doǵaryńdar! Ol áıel adamdy uratyn, ashana batyry!», – dep vıdeo jarııalady Aıgúl Orynbek.
Álgi vıdeodan qyzyl kúrte kıgen er azamattyń áıeldi ıterip jibergeni baıqalady.
Eske salsaq, Esbol Sultanov – Parıj olımpıadasynda Týnıs eline taekvondadan 2 tarıhı júlde alyp bergen jattyqtyrýshy. Byltyrdan beri bas bapker qyzmetin atqaryp kele jatqan qazaq azamatynyń shákirtteri Parıj Olımpıadasynda alǵash ret altyn jáne qola medal jeńip aldy.
