جاڭالىقتار
«ول مەنى اشۋلاندىرىپ, ءوزىن ۇرىپ-سوعۋعا ماجبۇرلەدى»
جەدەل جاردەم جۇرگىزۋشىسىن ۇرىپ-سوعۋ ءىسى بويىنشا نۇربولات داكەباەۆقا قاتىستى اشىق سوت پروتسەسى ءوتتى,-دەپ حابارلايدى Qandastar.kz
بۇزاقىلىق جاساعانى ءۇشىن سوتتالۋشى كەلەسى تۇردەگى جازاعا تارتىلادى:
- ەكى مىڭ اەك-كە دەيىن ايىپپۇل (7,4 ملن تەڭگەگە جۋىق);
- 600 ساعاتقا دەيىن قوعامدىق جۇمىستار;
- شەكتەۋ نەمەسە ەكى جىلعا دەيىن باس بوستاندىعىنان ايىرۋ.
سونداي-اق وعان بىردەن ەكى باپ «بۇزاقىلىق», «دەنساۋلىققا قاساقانا ورتاشا اۋىرلىقتاعى زيان كەلتىرۋ» بويىنشا ايىپ تاعىلادى.
سوتتالۋشى نۇربولات داكەباەۆ جابىرلەنۋشىنىڭ جەلىدەگى بەينەجازباسىن ءىس ماتەريالدارىنا قوسۋدى سۇرادى. ونىڭ ايتۋىنشا, جەلىدەگى ۆيدەولار جابىرلەنۋشىنىڭ سپورتپەن اينالىساتىنىن كورسەتەدى.
قورعاۋشىسىنىڭ سوزىنشە, ءىستىڭ ءمان-جايىندا جابىرلەنۋشىنىڭ تىنىس الۋى قيىنداۋ فاكتىسى بار. ال قولدا بار ۆيدەو دالەلدەر ونى كەرىسىنشە كورسەتەدى. كەلتىرىلگەن جاراقاتتار جابىرلەنۋشىنىڭ دەنساۋلىعىنا ايتارلىقتاي زيان كەلتىرمەگەن.
الايدا سۋديا جابىرلەنۋشىنىڭ بۇل ءوتىنىشىن قاناعاتتاندىرمادى.
