ءولتىرىپ, زورلاپ, توناپ كەتكەن: اتىراۋدا NCOC كومپانياسىنىڭ مەنەدجەرىن ولتىرگەن كۇدىكتىنىڭ ءىسى سوتقا جىبەرىلدى

اتىراۋدا تەرگەۋ سوتى ەليتالىق تۇرعىن ۇيدە NCOC كومپانياسىنىڭ مەنەدجەرى بيبىگۇل شپانوۆانى قاتىگەزدىكپەن ءولدىردى دەپ ايىپتالعان سانتەحنيكتىڭ ءىسى سوتقا جەتتى, دەپ جازدى Qandastar.kz Stan.kz اقپارات اگەنتتىگىنە سىلتەمە جاساپ.

بيبىگۇل تۇرعان «فرانتسۋز كۆارتالى» تۇرعىندارىنىڭ ايتۋىنشا, ول ءوزىن «سەنىمدى سانتەحنيكپىن» دەپ تانىستىرىپ, ادامداردىڭ, اسىرەسە ايەلدەردىڭ سەنىمىنە وڭاي كىرگەن. كوپ جاعدايدا الدىن الا تولەم العان سوڭ, ءىز-ءتۇسسىز جوعالىپ كەتەتىن.

تەرگەۋ مالىمەتىنشە, جەتپىسوۆ بۇل تۇرعىن ءۇي كەشەنىندە بۇرىننان جۇمىس ىستەگەن جانە تۇرعىنداردا, مارقۇم شپانوۆا دا ونى تانىعان. ايەل ودان جوندەۋ جۇمىستارى بويىنشا كومەك سۇراعان, الايدا كەيىن ونى الاياقتىق جاسادى دەپ كۇدىكتەنىپ, اقشاسىن قايتارۋدى تالاپ ەتكەن. قايعىلى وقيعا بولعان كۇنى ول شپانوۆانىڭ ۇيىنە كەلىپ, ايەل ەسىكتى اشا سالىسىمەن وعان شابۋىل جاساعان.

ەر ادام ايەلگە بىرنەشە رەت پىشاق سۇعىپ, كەيىن ونى زورلاعان. ودان كەيىن پاتەردەن شىعىپ, ەسىكتى كىلتپەن جاۋىپ كەتكەن. ول وزىمەن بىرگە ايەلدىڭ تەلەفونى مەن باعالى زاتتارىن الىپ كەتكەن. سونىمەن قاتار مارقۇمنىڭ اۆتوكولىگىن ايداپ كەتىپ, جول اپاتىنا تۇسكەن. كەيىن تۇرعىن ءۇي كەشەنىنىڭ اۋلاسىنا جاياۋ قايتىپ كەلگەن. ونىڭ كەلگەنىن بەينەباقىلاۋ كامەرالارى ءتۇسىرىپ العان. جەتپىسوۆ كەيىن ماڭعىستاۋ وبلىسىندا ۇستالدى, ودان مارقۇمعا تيەسىلى ۇرلانعان زاتتار تابىلدى.

جەتپىسوۆكە بىردەن بىرنەشە اۋىر جانە اسا اۋىر قىلمىستار بويىنشا ايىپ تاعىلدى:

• قىلىستىق كودەكستىڭ 190-بابى 1-بولىگى – الاياقتىق;

• قىلىستىق كودەكستىڭ 120-بابى 2-ءبولىم 2-تارماعى – اسا قاتىگەزدىكپەن جاسالعان زورلاۋ;

• قىلىستىق كودەكستىڭ 188-بابى 3-ءبولىم 3-تارماعى – ءىرى كولەمدەگى ۇرلىق;

• قىلىستىق كودەكستىڭ 200-بابى 1-ءبولىمى – كولىك قۇرالىن زاڭسىز يەلەنۋ;

• قىلىستىق كودەكستىڭ 99-بابى 2-ءبولىم 4, 5, 8, 10-تارماقتارى – جۇكتى ايەلدى اسا قاتىگەزدىكپەن, پايداكۇنەمدىك نيەتپەن, زورلاۋمەن جانە باسقا دا قىلمىستارمەن ۇشتاسا جاسالعان كىسى ءولتىرۋ.

سوت پروتسەسى جابىرلەنۋشىگە قاتىستى جەكە دەرەكتەردىڭ كوپ بولۋىنا بايلانىستى جابىق رەجيمدە وتەدى.