ولجاس بەكتەنوۆ پاۆلودارعا جۇمىس cاپارىمەن باردى

فوتو:

پرەمەر-مينيستر ولجاس بەكتەنوۆ پاۆلودار وبلىسىنا جۇمىس ساپارى اياسىندا ءتۇستى مەتاللۋرگيا جوعارى كوللەدجىندە بولىپ, وندا مەملەكەت باسشىسى جاريالاعان جۇمىسشى ماماندىقتارى جىلى شەڭبەرىندە جۇمىسشى ماماندار دايارلاۋ ساپاسىن ارتتىرۋ جانە جۇمىس بەرۋشىلەرمەن ءوزارا ءىس-قيمىلدى كەڭەيتۋ جونىندەگى تاپسىرمالارىنىڭ ورىندالۋ بارىسىن تەكسەردى.

ولجاس بەكتەنوۆكە وڭىردەگى ونەركاسىپتە سۇرانىسقا يە بولاشاق مامانداردىڭ بىلىكتىلىگى مەن داعدىلارىنىڭ كارتاسى ۇسىنىلدى. جۇمىسپەن جانە تۇرعىن ۇيمەن قامتاماسىز ەتۋ ماسەلەلەرىمەن قاتار, جاس مامانداردى قولداۋ شارالارىنا نازار اۋدارىلدى. كاسىپتىك تەحنيكالىق ءبىلىم بەرۋدى دامىتۋ شەڭبەرىندە وبلىستا «جاڭا كاسىپتەر اتلاسى» ەنگىزىلۋدە جانە «كوللەدجدەر مەن ERG كومپانياسىنىڭ اليانسى» قۇرىلۋدا.

پرەزيدەنتتىڭ تاپسىرماسىنا سايكەس, جاستاردىڭ جۇمىسشى ماماندىعىنا دەگەن ىنتاسىن ارتتىرۋ جانە ولاردىڭ بەدەلىن كوتەرۋ ءۇشىن كەشەندى شارالار ىسكە اسىرىلۋدا. ۇكىمەت ونەركاسىپ, ەنەرگەتيكا, كولىك, اۋىل شارۋاشىلىعى جانە سۋ رەسۋرستارى سالاسىنداعى جۇمىسشى ماماندارىنا باعىتتالعان «ناۋرىز جۇمىسكەر» جاڭا يپوتەكالىق باعدارلاماسىن ىسكە قوستى. باعدارلاما نەگىزىندە 72 ملرد تەڭگەگە 2 440 قارىز بەرىلەدى. تۇرعىن ءۇي ماسەلەسىن شەشۋگە قولداۋ كورسەتۋ جۇمىسشى ماماندىعىندا وقۋعا ايتارلىقتاي ىنتالاندىرادى.

بۇدان باسقا, ينفراقۇرىلىمدى جاڭعىرتۋدىڭ اۋقىمدى جوبالارى جاريالاندى, ولاردى ىسكە اسىرۋ ءۇشىن تەحنيكالىق ءبىلىمى مەن جەتىلدىرۋگە ۇمتىلىسى بار جاستار قاجەت.

سونىمەن قاتار يننوۆاتسيالار مەن تسيفرلىق شەشىمدەردى قولدانۋدىڭ ماڭىزدىلىعى اتاپ ءوتىلدى. وقۋ-اعارتۋ مينيسترلىگىنە وبلىس اكىمدىگىمەن بىرلەسىپ, پاۆلودار وبلىسىنىڭ تاجىريبەسى نەگىزىندە «كوللەدجدەر مەن كاسىپورىنداردىڭ اليانسىن» قۇرۋ تاپسىرىلدى. سونداي-اق پاۆلودار وبلىسىنىڭ «جاڭا كاسىپتەر اتلاسى» شەڭبەرىندە ازىرلەنگەن بىلىكتىلىك ارتتىرۋدى اياقتاعاننان كەيىن ديپلوم الۋ ءۇشىن تەحنيكالىق جانە كاسىپتىك, ورتا بىلىمنەن كەيىنگى ءبىلىم بەرۋ ماماندىقتارىنىڭ جىكتەلىمىنە ەنگىزۋ قاجەت.

تەحنيكالىق ماماندىقتاردىڭ ستۋدەنتتەرى پرەمەر-مينيسترگە تاڭداعان ماماندىقتارى, وقۋداعى جەتىستىكتەرى جانە بولاشاقتا جۇمىسقا ورنالاسۋ جوسپارلارى تۋرالى ايتىپ بەردى.

«تەمىر جونۋشى ماماندىعى – ماشينا جاساۋدا كەڭ تارالعان ءارى سۇرانىسقا يە ماماندىقتاردىڭ ءبىرى. مەنىڭ بۇل سالانى تاڭداۋىما سەبەپشى بولعان جانە العاش وسى ماماندىققا قىزىعۋشىلىعىمدى وياتقان – مەنىڭ اعام. الداعى ۋاقىتتا ءوزىمنىڭ ءبىلىمىم مەن بىلىگىمدى ارتتىرىپ, وندىرىستىك سالادا جۇمىس ىستەۋدى جوسپارلاپ وتىرمىن», — دەدى «تەمىر جونۋ ءىسى» ماماندىعىنىڭ 2 كۋرس ستۋدەنتى قايسار داۋلەتباەۆ.

«ەلەكتر جابدىقتارى» ماماندىعى بويىنشا 2 كۋرس ستۋدەنتى الەكساندر بەلياەۆ WorldSkills بايقاۋىنا قاتىسۋ جوسپارلارى تۋرالى ايتىپ بەردى.

«مەن ەلەكتر قوزعالتقىشىن رەۆەرسيۆتى باسقارۋ سحەماسى «جۇلدىز-ءۇشبۇرىشتى» قۇراستىردىم. بۇل سحەما مەتاللۋرگيا وندىرىسىندە, شيكىزاتتى تيەۋ-ءتۇسىرۋ جانە بولات بالقىتۋ تسەحتارىندا, كونۆەيەرلەردى, ديىرمەندەردى ىسكە قوسۋ ءۇشىن كەڭىنەن قولدانىلادى», — دەپ اتاپ ءوتتى ستۋدەنت.

سونداي-اق, 4 كۋرس ستۋدەنتى يليا گورلوۆتىڭ WorldSkills جانە ERG Skills بايقاۋلارىندا جەڭىمپاز اتانعان جۇمىستارى كورسەتىلدى.