Oljas Bektenov Reseıdiń premer-mınıstrimen kezdesti

Foto: Úkimet

Qazaqstan Respýblıkasynyń Premer-Mınıstri  Oljas Bektenov pen Reseı Federaııasy Úkimetiniń tóraǵasy Mıhaıl Mıshýstın ekijaqty kelissózder júrgizdi, onyń barysynda QR Prezıdenti Qasym-Jomart Toqaev pen RF prezıdenti Vladımır Pýtın arasynda ekijaqty saýda kólemin arttyrý boıynsha qol jetkizilgen ýaǵdalastyqtardy iske asyrý máseleleri talqylandy, – dep jazady qandastar.kz

Eki el arasyndaǵy saýda-ekonomıkalyq, ǵylymı-tehnıkalyq jáne mádenı-gýmanıtarlyq yntymaqtastyqty keńeıtý josparlary qaraldy. О́nerkásip kooperaııasy, aýyl sharýashylyǵy, energetıka, kólik ónerkásibi jáne basqa da salalardaǵy ózara is-qımyldy nyǵaıtý jónindegi mindetterdi júzege asyrýǵa nazar aýdaryldy.

Reseı – Qazaqstannyń basty saýda seriktesteriniń biri. О́tken jyldyń 11 aıynda ózara saýda kólemi $24,2 mlrd-qa jetti. Eki memleket basshylary arasyndaǵy taýar aınalymyn $30 mlrd-qa deıin jetkizý jónindegi ýaǵdalastyqtaryna qol jetkizý maqsatynda tasymaldanatyn taýarlar atalymyn keńeıtý mańyzdy. Ekonomıkalyq yntymaqtastyqtyń 2021-2025 jyldarǵa arnalǵan keshendi baǵdarlamasyn iske asyrýdyń oń nátıjeleri atap ótilip, aldaǵy kezeńge jańartylǵan baǵdarlamany ázirleý qajettigi naqtylandy.

2024 jylǵy 10 aıdyń qorytyndysy boıynsha, aýyl sharýashylyǵy ónimderiniń aınalymy 5%-ǵa ósip, $3,2 mlrd-tan asty.

О́nerkásip kooperaııasy salasynda búginde  $18,6 mlrd-qa qazaq-reseılik 99 joba iske asyryldy. Qazaqstanda jańa birlesken jobalardy júzege asyrý perspektıvalary qaraldy.

Qazaqstan arqyly tranzıttik tasymaldaý joǵary qarqynmen damyp keledi. Osyǵan baılanysty avtokólik jáne temirjol ınfraqurylymyn damytýǵa, sondaı-aq sý kóligi salasynda jańa balamaly baǵyttar ashýǵa kóńil bólinýde.

«Memleket basshylary Qasym-Jomart Toqaev pen Vladımır Pýtınniń birlesken kúsh-jigeriniń arqasynda ekijaqty yntymaqtastyǵymyz sapaly jańa deńgeıge kóterildi. Mańyzdy mindet – joǵary deńgeıde qol jetkizilgen ýaǵdalastyqtardyń is júzinde oryndalýyn qamtamasyz etý. Qazaqstan Úkimeti tyǵyz ózara is-qımyl jasaýǵa jáne barlyq salada yntymaqtastyqty damytýǵa daıyn», — dep atap ótti Oljas Bektenov.

«Qazaqstan – bizdiń strategııalyq seriktesimiz ári odaqtasymyz. Bizdiń qarym-qatynasymyz dostyq, tatý kórshilik, ózara syılastyq jáne bir-biriniń múddelerin eskerý qaǵıdattaryna negizdelgen. Vladımır Pýtınniń Qazaqstanǵa memlekettik sapary barysynda qarym-qatynastarymyzdy odan ári damytý jóninde mańyzdy ýaǵdalastyqtarǵa qol jetkizildi.  Eki el úkimetteriniń mindeti — kóshbasshylarymyz qol jetkizgen kelisimderdiń múltiksiz oryndalýyn qamtamasyz etý», — dep atap ótti Mıhaıl Mıshýstın.

Kelissózder nátıjesinde taraptar strategııalyq áriptestikti nyǵaıtýǵa jáne barlyq baǵyt boıynsha birlesken jumysty jalǵastyrýǵa ýaǵdalasty.