وڭىرلەر ءۇشىن «وردا ايماق» جاڭا يپوتەكالىق باعدارلاماسى بويىنشا وتىنىمدەردى قابىلداۋ باستالدى

وتىنىمدەر «وتباسى بانكى» اق ۋاكىلەتتى اگەنتتەرى ارقىلى قابىلدانادى. 21 جاستان اسقان قازاقستاننىڭ كەز كەلگەن ازاماتى قارىز الۋشى بولا الادى. «وتباسى بانك» اق – دا دەپوزيتتىڭ بولۋى بويىنشا قارىز الۋشىعا قويىلاتىن تالابى مەن تۇرعىن ءۇيدىڭ بولۋى بويىنشا شەكتەۋ «وردا ايماق» باعدارلاماسىنا قولدانىلمايدى.

«وردا ايماق» باعدارلاماسىنىڭ شارتتارى:

• قارىز سوماسى – 1-دەن 75 ملن تەڭگەگە دەيىن;
• قارىز مەرزىمى – 12 ايدان 240 ايعا دەيىن;
• باستاپقى جارنا – ساتىپ الىناتىن تۇرعىن ءۇي قۇنىنىڭ 20%;
• سىياقى مولشەرلەمەسى – جىلدىق 15,9% (جەس 17,26% – دان 22,81% – عا دەيىن);
• «وردا ايماق» يپوتەكاسىنا ءوتىنىش بەرۋ ءۇشىن كەلەسى قادامداردى ورىنداۋ جەتكىلىكتى:
  • www.orda.homeprotal.kz «نىساندار» بولىمىندە پاتەردى تاڭداڭىز
  • «وتباسى بانك» اق سەرىكتەس بانك بولىمشەسىندە قاجەتتى قۇجاتتارمەن ءوتىنىم بەرۋ, ءوتىنىم بويىنشا شەشىم كۇتۋ
  • بانكتىك قارىز شارتىن جانە كەپىل شارتىن جاساسۋ

  كەپىل شارتىن ۋاكىلەتتى ورگانمەن تىركەلگەننەن كەيىن قارىز بەرۋ جۇزەگە اسىرىلادى.

  سالىنىپ جاتقان قۇرىلىس وبەكتىلەرىنىڭ سيپاتتاماسىن, سونداي-اق بايلانىس تۋرالى اقپاراتتى قتك تۇرعىن ءۇي پورتالىنان الۋعا بولادى.