Onkologııaǵa qarsy dári: Otandyq dárini synaqtan ótkizýdiń ekinshi kezeńi bastaldy

Foto: ashyq derekkóz

Ǵylym jáne joǵary bilim mınıstri Saıasat Nurbek Úkimet otyrysynda Qazaqstanda ázirlengen onkologııany emdeýge arnalǵan preparat adamdarǵa klınıkalyq synaq júrgizýdiń birinshi kezeńinen sátti ótkenin málim etti. Zertteýge onkologııalyq aýrýmen syrqattanǵan 15 naýqas qatysty, dep habarlady qandastar.kz.
«1 shildeden bastap testileýdiń ekinshi kezeńi bastaldy. Klınıkalyq synaqqa 3 myńǵa jýyq adam qatysady. Barlyǵy 5 myńnan astam onkologııalyq naýqas synaqqa qatysýǵa nıet bildirip tirkeldi. Qarajat Joǵary ǵylymı-tehnıkalyq komıssııanyń sheshimimen qarastyrylǵan – zertteý tobyna ekinshi kezeńdi júrgizýge shamamen 2 mlrd teńge tamyz aıynda aýdarylady. Jyl sońyna deıin barlyq derekti óńdeımiz. Kelesi jyly dári-dármekti tirkeýge shyǵaramyz degen senimdemiz», – dedi Saıasat Nurbek.
Onkologııanyń eń agressıvti túrleriniń biri – toq ishek qaterli isiginiń IV satysy anyqtalǵan naýqastar erikti retinde qatysqan klınıkalyq synaqtardyń birinshi kezeńiniń nátıjesi boıynsha preparat tıimdiligin kórsetti. Isik orta eseppen 30%-ǵa azaıdy.
Bul rette ekinshi kezeń túrli qaterli isigi bar adamdarǵa dári-dármekti tekserip kórýdi qamtıdy. Synaq Astana, Almaty jáne Pavlodarda ótkiziledi.
Eske sala ketsek, qaterli isikke qarsy tıimdi dári jasaý – mamandardyń eń ozyq jobalarynyń biri.