جاڭالىقتار
وڭتۇستىك كورەياداعى اعايىن قازاقستانعا كومەك قولىن سوزدى
سۋ تاسقىنى ەلدەن جىراقتا جۇرگەن قازاقستان ازاماتتارىن بەيجاي قالدىرمادى
وڭتۇستىك كورەياعا جۇمىس ىستەۋگە كەتكەن وتانداستارىمىز تابيعي اپاتتان زارداپ شەككەن وڭىرگە گۋمانيتارلىق كومەك جونەلتتى. ونى الماتىعا اۋە كومپانيالارىنىڭ ءبىرى تەگىن اكەلىپ بەردى.
مۇنداي قايىرىمدىلىق شاراسىنان قىتايداعى قانداستارىمىز دا تىس قالعان جوق. ولار جىبەرگەن مىڭ جارىمعا جۋىق رەزەڭكە ەتىك پەن 50-گە تارتا قايىق قازىر جولدا كەلەدى. بۇل گۋمانيتارلىق كومەكتى جونەلتۋمەن Respublica پارتياسى اينالىسىپ جاتىر.
باقىتبەك حاميت, Respublica پارتياسى ورتالىق اپپاراتىنىڭ باسشىسى: – كەيىن قايىقتار, موتوپومپالار, گەنەراتورلار, كەيبىر جەرلەردە جانارماي كەرەك بولدى. كەيبىر جەرلەردە باسقا دا قاجەتتىلىكتەر بولدى كيىم-كەشەك بولدى.
شىمكەنتتە بىزدە كىلەم ءوندىرۋشى كومپانيا وزدەرى ءاربىر فۋراعا 100 كىلەمنەن قوسىپ وتىردى جوق دەمەدىك. سەبەبى سۋعا باتقان ۇيلەر كەيىن قايتادان سالىنادى, قاجەتى بولار دەگەن نيەتپەن سونداي زاتتاردى, سول قاجەت دەگەن زاتتاردى اپارۋعا تىرىسىپ جاتىرمىز
