Ońtústik Koreıadaǵy aǵaıyn Qazaqstanǵa kómek qolyn sozdy

Sý tasqyny elden jyraqta júrgen Qazaqstan azamattaryn beıjaı qaldyrmady

Ońtústik Koreıaǵa jumys isteýge ketken otandastarymyz tabıǵı apattan zardap shekken óńirge gýmanıtarlyq kómek jóneltti. Ony Almatyǵa áýe kompanııalarynyń biri tegin ákelip berdi.

Mundaı qaıyrymdylyq sharasynan Qytaıdaǵy qandastarymyz da tys qalǵan joq. Olar jibergen myń jarymǵa jýyq rezeńke etik pen 50-ge tarta qaıyq qazir jolda keledi. Bul gýmanıtarlyq kómekti jóneltýmen Respublica partııasy aınalysyp jatyr.

Baqytbek Hamıt, Respublica partııasy ortalyq apparatynyń basshysy: – Keıin qaıyqtar, motopompalar, generatorlar, keıbir jerlerde janarmaı kerek boldy. Keıbir jerlerde basqa da qajettilikter boldy kıim-keshek boldy.

Shymkentte bizde kilem óndirýshi kompanııa ózderi árbir fýraǵa 100 kilemnen qosyp otyrdy joq demedik. Sebebi sýǵa batqan úıler keıin qaıtadan salynady, qajeti bolar degen nıetpen sondaı zattardy, sol qajet degen zattardy aparýǵa tyrysyp jatyrmyz