«Ony kináli dep eseptemeımin»: Perızat Qaırattyń advokaty sottyń nelikten jabyq rejımde ótkenin aıtty

Foto: Perızat Qaırattyń Instagram paraqshasynan alyndy

Erikti Perızat Qaırattyń advokaty Aslanbek Dáýletııarov sot otyrysy týraly pikir bildirdi, dep jazady qandastar.kz

Ol qorǵaýyndaǵy adamdy kináli dep eseptemeıtinin jetkizdi. Bul týraly Stan.kzaqparat agenttigi habarlaıdy.

Advokat belsendiniń jabyq otyrys kezinde jáne sońǵy málimdemesinde aıtqan aqparattaryn naqty almaıtynyn jetkizdi.

«Aıyptar zańsyz jáne negizsiz. Jabyq otyrysta óz ýájderimdi aıttym. Jabyq otyrys bolǵandyqtan eshteńe aıta almaımyn. Dálelder usynylmaǵandyqtan, ony kináli dep sanamaımyn. Aıta ketetin jaıt, aıyptaý aktisinde kórsetilgen soma shamamen 3 mıllıard teńge. Biraq bul iske jábirlenýshi retinde barlyq qaıyrymdylyq jasaýshylar tartylmaǵan. 51 adam ǵana aryz jazǵan. Mysaly, «Asar Ýme» qory 200 mıllıon teńge, Kaspi Bank – 620 mıllıon, Jusan Bank – 300 mıllıon teńge kóleminde talap qoıdy. Al aıyptaýda kórsetilgen qarjy talap-aryzdar somasynan da kóp. Perızat taǵylǵan aıyppen kelispeıdi», – dedi advokat.

Advokat qorǵaýyndaǵy azamattardyń jaryssózi jabyq rejımde ótkenin quqyqtyń buzylýy dep sanamaıdy.

«Meniń oǵan qandaı qatysym bar? Bul jerde qandaı quqyq buzýshylyq boldy? Aldyn ala tyńdalymda bul isti jabyq ótkizý týraly ótinishti Perızattyń berdi. Sot otyrysyn jabyq túrde ótkizýdi suraǵan kezde eki negizdi kórsetti. Birinshisi, bank qupııasy. Ol aýdarymdar men qarjylyq operaııalar týraly málimetterge qatysty, olar boıynsha sot sankııasy alynǵan. Bul aqparatta birneshe myń adamnyń aty-jóni, aýdarylǵan soma týraly derekter bar. Ekinshi sebep, jeke ómirge qatysty málimetter. Onyń ishinde jeke fotosýretter men beınematerıalda bar. Bir ǵana telefonnyń ózinde 45 myń foto men vıdeo bolǵan. Perızat olardyń áleýmettik jelige taralyp ketýinen qaýiptendi. Qolda bar málimetke qaraǵanda, bank úzindilerin de jarııalamaǵan», – dedi Daýletııarov.

Eske salaıyq, buǵan deıin Perızat Qaırat pen onyń anasy Ǵaını Alashbaevaǵa qatysty qylmystyq is boıynsha sot proesi jalǵasyp jatqanyn jazdyq. Tergeý derekteri boıynsha, 47 adam jábirlenýshi retinde tanylǵan. 2023 jyly Gaza sektoryna kómek kórsetý maqsatynda jınalǵan 83 mıllıon teńge jáne basqa da qaıyrymdylyq qarajattarynyń qalaı jumsalǵany týraly qoǵamda kúmán týyndaǵan. Prokýratýra jalpy shyǵyndy 200 mıllıon teńgeden asady dep kórsetse, jábirlenýshiler bul isti jaı ǵana alaıaqtyq emes, senimge jasalǵan opasyzdyq dep sanaıdy.

«Stroıkonstrýkııa» AQ-nyń ókili Perızat Qaıratty «alaıaqtardyń patshaıymy» dep atap, ony áıgili alaıaqtar Ostap Bender men Sonka Altynqolmen salystyrdy. Jábirlenýshiler aıyptalýshylarǵa eń qatań jaza qoldanýdy talap etti.

Nátıjesinde sot Perızat Qaıratty 10 jylǵa, anasyn 7 jylǵa bas bostandyǵynanaıyrdy.