«ونى جۇزدەگەن ادام كورگەن شىعار»: پاۆلوداردا ءبىر اي بويى ىزدەستىرىلگەن ەر ادامنىڭ ءمايىتى تابىلدى

فوتو: oren.ru

پاۆلوداردا جۇمىسىنان شىعىپ, جوعالىپ كەتكەن ەر ادام ءبىر ايدان استام ۋاقىت وتكەننەن كەيىن ءولى كۇيىندە تابىلدى. ءمايىتتىڭ تابىلعانى جونىندە جەرگىلىكتى VITA ىزدەۋ توبىنىڭ ۆولونتەرلەرى الەۋمەتتىك جەلىدە جازدى. بۇل تۋرالى qandastar.kz Stan.kz اقپارات اگەنتتىگىنە سىلتەمە جاساپ حابارلايدى.

مالىمەتتەرگە سەنسەك, 26 جاستاعى الەكساندر ءفوميننىڭ دەنەسى قالا تۇرعىندارى كۇن سايىن سەرۋەندەيتىن ۋسولسك شاعىن اۋدانىنداعى توعايدىڭ جانىنان تابىلدى.

«كۇن سايىن مۇندا جۇزدەگەن ادام سەرۋەندەيدى, موتوتسيكلشىلەر كەلەدى, جاقىندا ءتىپتى جارىستار ءوتتى. ونى كورگەندەر بولعان. جاعدايدىڭ وسىلاي اياقتالعانى وتە وكىنىشتى… ءبىز ونى ۇزاق ۋاقىت تابا المادىق, ءتۇرلى نۇسقانى قاراستىردىق, سوڭعى كەزدەرى ول مەنىڭ جانە ءبىزدىڭ جىگىتتەردىڭ تۇسىنە دە كىردى, وكىنىشكە قاراي, ول ءتىرى ەمەس ەكەن. ءبىز جوسپارلانعان شارشى اۋماققا قايتادان ىزدەۋگە شىقتىق. توپتارعا ءبولىنىپ, ورمان القابىن ارالاپ جۇرگەنىمىزدە, مەن ءبىر داقتى بايقادىم, وندا قانداي دا ءبىر جولاقتار بار, لامپاس سياقتى, بىراق الەكساندردا ونداي بولماعان ەدى. جاقىنىراق بارىپ قاراعاندا, ونىڭ ءوزى بولىپ شىقتى», – دەدى پاۆلودار VITA ىزدەۋشىلەر قوعامىنىڭ جەتەكشىسى ەكاتەرينا كۋدرياۆتسەۆا.

ال پوليتسياسى دەپارتامەنتىنىڭ ءباسپاسوز قىزمەتى ەر ادامنىڭ ءولى تابىلعانىن راستادى.

«بۇل فاكت بويىنشا پوليتسيا الدىن الا تەرگەۋ جۇرگىزىپ جاتىر», – دەپ حابارلادى ۆەدومستۆونىڭ ءباسپاسوز قىزمەتى.