Bilim
Oralda mektep ákimshiligi muǵalimderden 42 mln teńge óndirip alý úshin sotqa júgindi
Foto: istockphoto.com
Oral soty bas býhgalterdi kináli dep tanydy.
Oral qalasynda jalpy bilim beretin orta mektep 75 muǵalimge eńbekaqy retinde artyq tólengen 42 mln teńgeni qaıtarý týraly sotqa shaǵym túsirgen, dep jazady qandastar.kz turkystan.kz-ke silteme jasap.
Tergeý organy mekteptiń bas býhgalterine qatysty qylmystyq is qozǵady. Oral qalalyq sotynyń sheshimimen ol kináli dep tanylyp, jaza taǵaıyndalǵan.
Qylmystyq is aıasynda mektepke júrgizilgen memlekettik aýdıt 2021-2022 jyldary 75 muǵalimge 42 mln teńge artyq tólengenin anyqtady.
Alaıda, sotta mektep ákimshiliginiń ókilderi pedagogtardyń qandaı da bir quqyqqa qarsy áreketter jasaǵanyn, sonyń saldarynan olarǵa artyq qarajat aýdarylǵanyn dáleldeıtin dáleldemelerdi usyna almaǵan.
Osyǵan baılanysty №2 Oral qalalyq soty mekteptiń talap qoıýyn qanaǵattandyrýsyz qaldyrdy.
Sot jumysqa nemquraıly qaraý nemese býhgalterlik qatelik bolmaǵan jaǵdaıda eńbek jáne azamattyq zańnamada kórsetilgendeı, artyq tólengen somany qaıtarýǵa negiz joq ekenin atap kórsetti.
