Ortalyq Azııadaǵy eń myqty armııa: sherýde zamanaýı áskerı tehnıka kórsetildi

Foto: Aqorda

Jeńistiń 80 jyldyǵyna arnalǵan parad maıdangerlerdiń erligine taǵzym etýdi, Táýelsiz Qazaqstan armııasynyń búgingi kúsh-aıbynyn kórsetýdi kózdeıdi, dep habarlaıdy qandastar.kz Zakon.kz-ke silteme jasap.

Paradqa Qazaqstan Qarýly kúshteriniń barlyq túrinen 4 myńnan asa áskerı qyzmetker qatysyp otyr. Sondaı-aq arnaıy 200-den asa áskerı qarý-jaraq pen tehnıka, 66 áskerı avıaııa ushaǵy men tikushaq ákelingen.

«Alǵash ret mehanıkalandyrylǵan kolonnalardyń sapyn «Býk», «Tor» zenıtti-raketa keshenderi, «Barys», «Alan», «Aıbar», «Taımas», «Terreks» dóńgelekti urys mashınalary, mınany zalalsyzdandyratyn robottary bar arnaýly avtokólikter tolyqtyryp otyr», delingen Aqorda habarlamasynda.
Sonymen qatar otandyq qorǵanys ónerkásibi kesheniniń kásiporyndary shyǵarýdy josparlap otyrǵan urys mashınalary, robottandyrylǵan qaıyq jáne ushqyshsyz basqarylatyn ushý qondyrǵylary tanystyrylady.

Áýe keńistiginen A-400 áskerı-kólik ushaǵy, L-410 jolaýshylar ushaǵy jáne Bı-300 patrýl ushaǵy ushyp ótedi.

Buǵan deıin respýblıkamyzdyń árbir tórtinshi turǵyny áskerge attanǵanyn, maıdan dalasynda atylǵan árbir toǵyzynshy oq Qazaqstanda quıylǵanyn jazǵanbyz.

2025 jyly 7 mamyrda  elordadaǵy bas alańda Uly Jeńistiń 80 jyldyǵyna arnalǵan áskerı parad ótýde. Onyń tikeleı kórsetilimine myna  aradan óte alasyzdar.