جاڭالىقتار
ورىنبوردا سۋ تاسقىنى شارىقتاۋ شەگىنە جەتتى
كورشى رەسەيدە دە جاعداي ءالى كۇردەلى. بۇگىن ورىنبوردا سۋ تاسقىنى شارىقتاۋ شەگىنە جەتتى. قالا ارقىلى وتەتىن جايىق وزەنىندە سۋ دەڭگەيى كوتەرىلىپ جاتىر.
تاڭەرتەڭ 10 مەتر 69 سانتيمەترگە جەتتى. تۇندە قالاعا ۇشاقپەن كوپقاباتتى كومپوزيتتى ماتەريالدان جاسالعان ۇزىندىعى ءۇش مەترلىك سۋ بوگەتتەرى جەتكىزىلدى. ماتەريالى بەرىك ءارى تەز قۇراستىرىلادى. بۇل بوگەتتەر سۋ ءالى جەتپەگەن كوپقاباتتى تۇرعىن ۇيلەر, مەكتەپتەر مەن اۋرۋحانالاردى قورعاپ قالۋى كەرەك. قورعان وبلىسىندا دا جاعداي كۇردەلى. تۇندە توبىل وزەنىنىڭ دەڭگەيى 8 سانتيمەترگە كوتەرىلدى. سۋ تاسقىنى كۋزباسس وڭىرىنە دە جەتتى.
كەمەروۆ وبلىسىندا مراسسۋ وزەنى ارناسىنان اسىپ, ۋست-كابىرزا اۋلىنىڭ ءبىر بولىگىن سۋ باستى. ال 5 ساۋىردە سۋ بوگەتى جارىلعان ور قالاسىندا جايىق وزەنىندە سۋ دەڭگەيى 42 سانتيمەترگە تومەندەدى. جالپى قازىر رەسەيدىڭ 39 ايماعىندا سۋ تاسىپ جاتىر.
