Orynborda sý tasqyny sharyqtaý shegine jetti

Kórshi Reseıde de jaǵdaı áli kúrdeli. Búgin Orynborda sý tasqyny sharyqtaý shegine jetti. Qala arqyly ótetin Jaıyq ózeninde sý deńgeıi kóterilip jatyr.

Tańerteń 10 metr 69 santımetrge jetti. Túnde qalaǵa ushaqpen kópqabatty kompozıtti materıaldan jasalǵan uzyndyǵy úsh metrlik sý bógetteri jetkizildi. Materıaly berik ári tez qurastyrylady. Bul bógetter sý áli jetpegen kópqabatty turǵyn úıler, mektepter men aýrýhanalardy qorǵap qalýy kerek. Qorǵan oblysynda da jaǵdaı kúrdeli. Túnde Tobyl ózeniniń deńgeıi 8 santımetrge kóterildi. Sý tasqyny Kýzbass óńirine de jetti.

Kemerov oblysynda Mrassý ózeni arnasynan asyp, Ýst-Kabyrza aýlynyń bir bóligin sý basty. Al 5 sáýirde sý bógeti jarylǵan Or qalasynda Jaıyq ózeninde sý deńgeıi 42 santımetrge tómendedi. Jalpy qazir Reseıdiń 39 aımaǵynda sý tasyp jatyr.