جاڭالىقتار
وسكەمەندە ءورت ءسوندىرۋشى بيىك عيماراتتان قۇلاپ كەتت
فوتو: نۇر-سۇلتان قالاسى تجد قوعاممەن بايلانىس توبى
جەلىدە تاراعان ۆيدەودا ءورت ءسوندىرۋشىنىڭ قىزمەتتىك مىندەتىن اتقارۋ كەزىندە بيىك عيماراتتان قۇلاپ كەتكەن ءساتى بەينەلەنگەن. قاۋىپتى وقيعا شىعىس قازاقستان وبلىسىنىڭ وسكەمەن قالاسىندا 2025 جىلدىڭ 5 مامىرىندا ورىن الدى, دەپ حابارلايدى qandastar.kz
كراسين كوشەسىندەگى تۇرعىن ءۇيدىڭ ءتورتىنشى قاباتىندا ءورت شىققان. ءورت كەزىندە ۇيدە ەشكىم بولماعان. توتەنشە جاعدايلار مينيسترلىگى حابارلاعانداي, №7 ءورت ءسوندىرۋ ءبولىمىنىڭ قىزمەتكەرى قۇتقارۋ جۇمىستارى بارىسىندا اۆتوباسپالداقپەن كوتەرىلىپ بارا جاتىپ, ابايسىزدا بيىكتەن قۇلاعان.
جەلى قولدانۋشىلارى ءورتسوندىرۋ قىزمەتكەرلەرىندە ارنايى تەحنيكانىڭ جوقتىعىنا نازار اۋدارعان.
«تەحنيكا قايدا, مينيستر مىرزا?», دەپ سۇراقتى پىكىر قالدىرعان وقىرمان تاراپى.
— مىنە جۇمىستارىنا ادالدىق دەپ وسىناۋ ايتۋعا بولادى, سەن تۇر مەن شىعايىن دەگەن جىگىتتەر, كوز الدىندا ارىپتەستەرى قۇلاپ جاتسادا, بوي بەرمەي ەكىنشىسى ءوز ءومىرىن بايگەگە تىگۋگە دايىن ازاماتتار. ەڭبەكتەرى باعالاۋ كەرەك.
قۇلاعان ءورت سوندىرۋشىگە تجم قاۋىپ-قاتەر مەديتسيناسى ورتالىعىنىڭ ماماندارى العاشقى مەديتسينالىق كومەك كورسەتكەن. كەيىن ول تراۆماتولوگيا بولىمىنە جەتكىزىلىپ, وعان «وڭ تابانى سىنعان» دەگەن دياگنوزى قويىلعان. قازىرگى تاڭدا ونىڭ جاعدايى قاناعاتتانارلىق, ومىرىنە قاۋىپ جوق ەكەنى حابارلاندى. وقيعاعا بايلانىستى قىزمەتتىك تەكسەرۋ جۇرگىزىلىپ جاتىر.
ال مينيسترلىك دەرەگىنشە, ءورت ءسوندىرۋ كەزىندە ارنايى اۆتوكوتەرگىش تەحنيكا قولدانىلعانىمەن, وقيعا ورنىنداعى قالىڭ وسىمدىكتەر تەحنيكا جۇمىسىنا كەدەرگى كەلتىرگەن.
