جاڭالىقتار
وسكەمەندە تۇرعىن ءۇي ورتەنىپ, ونداعان ادام قۇتقارىلدى
وسكەمەندە 10 مامىرعا قاراعان ءتۇنى تۇرعىن ءۇيدىڭ 5-قاباتىنان ءورت شىقتى. بۇل تۋرالى qandastar.kz سايتى حابارلادى.
توتەنشە جاعدايلار مينيسترلىگىنىڭ مالىمەتىنشە, ءورت گ. پوتانين كوشەسى بويىندا ورنالاسقان توعىز قاباتتى ۇيلەردىڭ ءبىرىنىڭ 5-قاباتىنداعى پاتەردەن شىققان.
“قاتتى ءتۇتىننىڭ سالدارىنان 20 ادام باسپالداق ارقىلى ەۆاكۋاتسيالاندى. سونداي-اق 14 ادام قۇتقارىلدى, ونىڭ جارتىسى بالالار” – دەلىنگەن حابارلامادا.
ءورت 20 شارشى مەتر اۋماقتا ءسوندىرىلدى. كومىرقىشقىل گازىنان ۋلانعان پاتەر يەسى توتەنشە جاعدايلار مينيسترلىگىنىڭ جەدەل مەديتسينالىق جاردەم ورتالىعىنىڭ بريگاداسى العاشقى مەديتسينالىق كومەك كورسەتكەننەن كەيىن اۋرۋحاناعا جاتقىزىلدى.
