«Osy qateni kóp adam jasaıdy»: ǵylym mınıstri 1-kýrs stýdentterine úsh keńes berdi

foto: pixabay.com

Ǵylym jáne joǵary bilim mınıstri Saıasat Nurbek 1-kýrs stýdentterine keńes berip, alǵashqy jyly oqýǵa den qoıý mańyzdy ekenin atap ótti, dep habarlaıdy Qandastar.kz nur.kz-ke silteme jasap.

Mınıstr eń aldymen oqý proesin durys jolǵa qoıý kerek ekenin aıtty.

«Birinshisi – oqý proesi. Sony aıaqqa turǵyzyp alyńyz. Osy qateni kóp adam jasaıdy, men de jasadym – jańa qalaǵa kelip joǵalyp kettik. Birinshi jyl óte mańyzdy. Oqý proesin áý bastan durys jolǵa qoımasańyzdar, odan keıin qordalanyp qalady, ekinshi, úshinshi semestrde qıyn bolady», – dedi mınıstr.

Sonymen qatar, Saıasat Nurbek aqparatpen jumys isteý daǵdysyn qalyptastyrýǵa keńes berdi.

«Qazir aqparat óte kóp. Kez kelgen dáristen shyqqan soń, birneshe slaıd, birneshe kitap pen silteme bolady. Ony júıege keltiretin óz tártibińiz bolýy kerek. Sondyqtan ıfrlyq tártip nemese ıfrlyq qaýipsizdik óte mańyzdy.  Úshinshi keńes – densaýlyq. Tamaǵyńyzdy, kún tártibińizdi, densaýlyǵyńyzdy, sý men tamaq sapasyn muqııat qarańyz. Sizdiń densaýlyǵyńyz – tek qana sizdiń jaýapkershiligińiz», – deıdi ǵylym mınıstri.

Aıta keteıik, 2024-2025 oqý jylynda 94 myńnan astaı grant bólindi. Onyń ishinde 78 myń grant – bakalavrıat stýdentterine, 13 myń grant – magıstratýraǵa berilse, 3 myń grant bolashaq doktoranttarǵa qarastyrylǵan.