«وسى سالتتىڭ كەرەگى نە?»: قاريالاردىڭ كورپە استىنداعى ءىس-ارەكەتى كوپشىلىكتىڭ اشۋىنا ءتيدى

فوتو: اشىق دەرەككوز

جەلىدە اتا مەن اجەنىڭ كوپشىلىكتىڭ كوزىنشە كورپە جامىلىپ جاتقانى كوپشىلىكتىڭ اشۋىنا ءتيدى. بۇل تۋرالى qandastar.kz Stan.kz اقپارات اگەنتتىگىنە سىلتەمە جاساپ حابارلايدى.

جەلى قولدانۋشىلارى قۇدالىق كەزىندە قىزدىڭ جاساۋىن اكەلگەندە كورسەتىلەتىن قازاقى ىرىم دەگەندى جارىسا جازىپ جاتىر. الايدا كەيبىر وقىرمان قاۋىمنىڭ شامىنا دا ءتيدى.

“مىنا الباستىلاردى جاۋاپقا تارتۋ كەرەك! نە ماسقارا شالدىكى نە, ارتىلىپ ءمىنىپ العان نەسى, الجىعان ۇياتسىزدار”, “كەمپىرى جوقتار كىممەن جاتادى?”, “قازاقتا وسىنداي ۇياتسىز ىرىم جوق, بولعان ەمەس. ويدان شىعارعان ەرسىلىك. مىنانى كورىپ تۇر,ان كىشى بالالار نە ويلايدى? ارسىزدار!!! اقساقالدارىمىز وسىنداي بولسا, جەتىسكەن ەكەنبىز! نە بولىپ كەتتى? نە ىستەپ جاتسىڭدار, باۋىرلار? ىرىم-سالت مۇنداي ەمەس ەدى عوي. قازاقتىڭ سالت-عۇرپىن اياققا تاستادىڭدار ما? “قۇدالىقتا جاسالاتىن وسى سالتتىڭ كەرەگى نە?”, “ۇيات قوي مىناۋ, ماسقارا! اقساقالدارىمىزدان دا ەس كەتىپ ەسەر بولعان زامان-اي. مىناۋ, نە ماسقارا, ۇلكەندەردەن ۇلگى الار ەشتەڭە قالمادى. جابايىلىق», – دەپ سىنادى جەلى قولدانۋشىلارى.

ەسكە سالايىق, ءانشى اباي بەگەي دە ۇلىنىڭ قۇدالىعىندا كورپەگە اۋناپ, سىننىڭ استىندا قالعان ەدى.

“فاريزا ەكەۋمىزدى كورپەگە اۋناتقان ۆيدەومىز الەۋمەتتىك جەلىگە تارالىپ كەتتى. قانشاما پىكىر جازىلىپ جاتىر. اقتاۋلىق دوستارىم “بىزدە مۇنداي سالت جوق, قايدان شىعارىپ ءجۇرسىڭ” دەپ رەنجىدى. ءوز باسىم وسىنداي ءداستۇر بارىن بىلەتىنمىن, باتىس وڭىرىندە جوق بولعاسىن ءمان بەرىپ, زەرتتەمەگەن ەدىم. وڭتۇستىك وڭىردە بار ەكەن. قازاقتىڭ ەجەلگى داستۇرىندە دە بولعان. كەيىن ۋاقىت وتە كەلە قولدانىستان شىعىپ قالعان”, – دەپ تۇسىندىرگەن ەدى ونەر يەسى.