«Osydan keıin qalaı jiberedi»: Sarbazdardyń eti – meniki, súıegi – sizderdiki degen polkovnık jurttyń ashýyna tıdi

О́zin 35 – desanttyq shabýyldaý brıgadasynyń komandırimin dep tanystyrǵan Beıbit Amankalıevtyń áskerı boryshyn óteýge barǵan sarbazdardyń ata-analaryna aıtqan sózi jelide qyzý talqylanýda. «Sarbazdardyń eti – meniki» degen Gvardııa polkovnıginiń basy daýǵa qalǵan, dep habarlaıdy Skifnews.kz aqparat portaly.

«Gvardııa polkovnıkinıgi, 35 – desanttyq shabýyldaý brıgadasynyń komandıri Amankalıev Beıbit Búrkitbaıulymyn. Sizderdiń balalaryńyzdyń bir jylǵa ákesi de, sheshesi de menmin. Ekinshi áńgime, qazaqta maqal bar ǵoı, balalaryńyzdyń eti – meniki de, súıegi – sizderdiki», — deıdi komandır.

Vıdeodan komandırdiń bul sózi ata-analarǵa unamaı qalǵanyn baıqaýǵa bolady. Jeli qoldanýshylary da polkovnıktiń bul maqaly orynsyz bolǵanyn jarysa jazyp jatyr.

«Onsyz da súıekterin alyp jatyr ǵoı, osydan keıin qalaı jiberedi», «Bala áskerı boryshyn óteýge bardy, ol bokserdyń grýshasy emes», «Uıalmaı ne aıtyp tur», «Halyq úndemeı qaldy ǵoı, túsinbeı qalǵan sııaqty», «Jandaryn alyp, súıekterin beremiz degeni ǵoı», «Qorqynyshty qylyp aıtty ǵoı», — dep jazdy olar.