جاڭالىقتار
وتاردا كوماعا تۇسكەن ساربازدىڭ وقيعاسى: توقاەۆ تاپسىرما بەردى
پرەزيدەنت قاسىم-جومارت توقاەۆ جامبىل وبلىسى وتار اۋىلىنداعى اسكەري بولىمدە مەرزىمدى قىزمەتىن وتەپ جاتقان ساربازدىڭ كوماعا تۇسۋىنە قاتىستى اناسىنىڭ الەۋمەتتىك جەلىلەردە جاريالاعان ۇندەۋىمەن تانىستى. بۇل تۋرالى پرەزيدەنتتىڭ ءباسپاسوز حاتشىسى بەرىك ۋالە Facebook جەلىسىندە حابارلادى.
«مەملەكەت باسشىسى بولعان وقيعانىڭ ءمان-جايىن مۇقيات زەرتتەپ, كىنالى ادامداردى جازالاۋدى تالاپ ەتتى,-دەپ حابارلايدى Qandastar.kz
پرەزيدەنت قورعانىس مينيسترىنە ارميادا مۇنداي جاعدايعا جول بەرمەۋ قاجەت ەكەنىن ەسكەرتىپ, تەرگەۋ امالدارىن باقىلاۋعا الۋدى تاپسىردى», – دەپ حابارلادى بەرىك ءۋالي. ەسكە سالا كەتەيىك, جامبىل وبلىستىق دەنساۋلىق ساقتاۋ باسقارماسى وكىلدەرى كوماعا تۇسكەن ساربازدىڭ جاعدايى تۋرالى پىكىر بىلدىرگەن ەدى.
ۆەدومستۆو مالىمەتىنشە, ناۋقاس قورداي اۋداندىق ورتالىق اۋرۋحاناسىنا 9 ماۋسىمدا ساعات 08:18-دە گۆاردەيسك اسكەري گوسپيتالىنەن جەدەل مەديتسينالىق كومەك كورسەتىلۋى ءۇشىن «پوليسەگمەنتارلىق پنەۆمونيا» دياگنوزىمەن تۇسكەن. جىگىتكە وڭ جاق پلەۆريت, 3-4 دارەجەلى ينفەكتسيالىق-توكسيكالىق شوك, سەپسيس, ورگاندار جەتىسپەۋشىلىگى سيندرومى, ميدىڭ گيپوكسيالىق ءىسىنۋى, 2-3 دارەجەلى تسەرەبرالدى كوما دياگنوزى قويىلعان.
