«Otbasy múshesin óltirmegen»: Sot Bıshimbaevty ákelik quqyqtan aıyrýdan bas tartty

Foto: Joǵarǵy sot

Azamattyq nekedegi áıelin asa qatigezdikpen óltirgeni úshin 24 jylǵa sottalǵan eks-mınıstr Qýandyq Bıshimbaevtyń burynǵy áıeli Nazym Qaharman balalarynyń ákesin ata-ana quqyǵynan aıyrý úshin Bas prokýratýra men Joǵarǵy sotqa júgindi. Bul týraly Qandastar.kz Stan.kz aqparat agenttigine silteme jasap habarlaıdy.

Nazym Qaharman Astanada ótken baspasóz konferenııasynda Bıshimbaevty ata-ana quqyǵynan aıyryp, balalarynyń tegin aýystyrý úshin sotqa aryz jazǵanyn aıtty. Alaıda sot onyń bul aryzynan bas tartqan. Aıtýynsha, eks-mınıstr Saltanat Núkenovamen azamattyq nekede turǵandyqtan, Bıshimbaev otbasy múshesin nemese jaqynyn óltirgen joq dep sanalady. Alaıda Nazym balalarynyń Saltanatty otbasy múshesi jáne ákesiniń áıeli retinda qabyldaǵanyn aıtty.

«О́kinishke qaraı, barlyǵyn aıtyp, kómek suraýǵa májbúrmin. Menińshe, sottyń aryzymdy qabyldamaýy ádildikke jatpaıdy. Sottyń nazaryn aýdarý úshin qoǵamǵa, Bas prokýratýraǵa jáne Joǵarǵy sotqa júginemin. Mindetti túrde appelıaııalyq sotqa beremin. О́ıtkeni men úshin balalarymnyń bolashaǵy, qyzyǵýshylyqtary men tulǵa retinde qalyptasýy mańyzdy. Balalar Saltanat Núkenovany otbasy múshesi retinde qabyldaǵanyn dáleldedik. Alaıda sot múldem basqa sheshim shyǵardy», – dedi Nazym Qaharman.

Aıtýynsha, balalardan jaýap alynǵan, dese de ony eshkim eskermedi.

«Sýdıa balalardyń jasqanshaq emes ekenin jáne olardyń minez-qulqynan psıhologııalyq jaraqatty baıqamaıtynyn aıtty. Qýandyq balalarynyń ózimen, ata-apasymen sóıleskenin qalaıdy. Alaıda balalar muny qalamaıdy. Balardy májbúrleı almaısyń», – deıdi Nazym Qaharman.

Onyń advokaty Madına Ýatbekovanyń aıtýynsha, Bıshimbaev birinshiden, adam óltirgendikten, ekinshiden, balalarǵa psıhologııalyq zábir kórsetkendikten ony ata-ana quqyǵynan aıyrý týraly aryz jazǵan. Alaıda sot ta, prokýratýra da Saltanat Núkenova men Bıshimbaev zańdy nekede bolmaǵandyqtan ol jaqynyn nemese otbasy múshesin óltirmedi degen tujyrymǵa keldi.

«Bul múldem durys emes ári zańsyz. Eger ata-ana qylmys jasasa, memleket ony ata-ana quqyǵynan aıyrady. Osylaısha balany qorǵaıdy. Biraq sot nege ekpindi «otbasy múshesi» degen sózge qoıyp otyr? Ne sebepti sot kez kelgen qylmys jasaǵan adamdy ata-ana quqyǵynan aıyrmaıdy», – deıdi zań ókili.

Nazym Qaharman balalarynyń tegin aýystyrmaq bolǵan. Biraq sot onyń bul aryzyn da qabyldamaǵan.