جاڭالىقتار
«وتىز جىل بويى ءبىر ادامنىڭ اۋزىنا قاراپ وتىردىق». قوشانوۆ ەكس-پرەزيدەنتتى سىناپ تاستادى
فوتو: اشىق دەرەككوز
ءماجىلىس توراعاسى ەرلان قوشانوۆ ەل ىشىندە «ەسكى قازاقستان» اتالىپ كەتكەن ەليتا تۇسىنداعى ساياسي احۋالدى سىنعا الدى دەپ جازادى qandastar.kz
Ertenmedia حابارلاعانداي, ول تۇستا ەلدى ءبىر عانا ادام بيلەپ-توستەپ تۇرعان, تيىسىنشە بۇتكىل كاپيتال دا ءبىر عانا تۇلعانىڭ توڭىرەگىنە شوعىرلانعان. پرەزيدەنت توقاەۆتىڭ ساياسي رەفورمالارىن ىسكە اسىرۋعا ارنالعان جالپى وتىرىستا قوشانوۆ ەكس-پرەزيدەنتتىڭ ەڭ ۇلكەن قاتەلىگىن بەتىنە سالىق قىپ باستى. «سۋپەرپرەزيدەنتتىك جۇيە بۇكىل ەلدى اشسا الاقانىندا, جۇمسا جۇدىرىعىندا ۇستادى. وتىز جىل بويعى جالعاسقان بۇل ءۇردىس اقىر سوڭى ساياسي تۇيىققا تىرەلدى, نارازىلىق تۋدىردى.
بۇكىل بيلىكتى ۋىسىندا ۇستاعان ات توبەلىندەي توپ ەلدىڭ يت-ىعىرىن شىعاردى, قوعامنىڭ جۇيكەسىن جۇقارتتى.
سوندىقتان ءۇش جىل بۇرىن ساياسي جۇيەنى تۇبەگەيلى جاڭعىرتۋ قاجەتتىلىگى تۋدى. بارلىق بيلىكتى ءبىر ادامنىڭ قولىنا بەرمەي, تەپە-تەڭدىك پەن تەجەمەلىك مەحانيزمى بار جاڭا ۇلگى ەنگىزۋ اسا ماڭىزدى قادام بولدى», – دەيدى قوشانوۆ. ءسوي دەي كەلە سوڭعى ءۇش جىلدا اتقارىلعان بىرقاتار جەتىستىكتەردى جىپكە تىزە جونەلدى. ايتا كەتەلىك, بۇگىن توقاەۆتىڭ بيلىككە كەلگەنىنە التى جىل.
