ء«وز جولىم بار»: Jazzdauren ءوزىن شاتۋنوۆقا ۇقساتاتىندارعا جاۋاپ بەردى

قازاقستاندىق ءانشى Jazzdauren ءانى تمد ەلدەرىنە تانىلعان سوڭ «ەكىنشى شاتۋنوۆ» دەگەن اتقا يە بولدى. كوپشىلىك جانداۋرەندى رەسەيلىك اڭىز انشىمەن سالىستىرىپ, ونىڭ ءىزباسارى رەتىندە قاراي باستادى. الايدا Jazzdauren ونەردە ءوز جولى بار دەپ ەسەپتەيدى,-دەپ حابارلايدى Qandastar.kz

جانداۋرەن ابىلاەۆتىڭ ايتۋىنشا, ونى رەسەيلىك انشىگە ۇقساتاتىندار كوپ.

«حالىقتىڭ ءبارى شاتۋنوۆقا تەڭەپ, «ەكىنشى شاتۋنوۆ» دەپ جاتىر. شاتۋنوۆ – اڭىز ادام, ونى ءبارىمىز بىلەمىز. مەن دە تىڭدايمىن. بىراق مەنىڭ جولىم بولەك. بۇل ەلىكتەۋ ەمەس. ۇقساتىپ جاتقانى دا جاقسى. نەگىزى مەنى تىڭدايتىن تمد ەلدەرى. ال تمد ەلدەرىنە شاتۋنوۆ وتە تانىمال بولدى جانە ول كىسىنىڭ اندەرى جۇرەككە جەتەتىن. ءوزىمدى سول كىسىگە ۇقساتقانىنا قۋانىشتىمىن», – دەدى ول ءوز سوزىندە.