وزىنە قول جۇمساعان الماتى ۋنيۆەرسيتەتىنىڭ ستۋدەنتى ەكس-شەنەۋنىكتىڭ ۇلى بولىپ شىقتى

فوتو: ۆيدەودان سكرين

كۇنى كەشە Almaty Management University ءباسپاسوز قىزمەتى ستۋدەنتتىڭ وزىنە قول جۇمساعانى تۋرالى اقپاراتتى راستادى. مارقۇم ستۋدەنت نۇرسۇلتان نازارباەۆتىڭ ءباسپاسوز حاتشىسىنىڭ بۇرىنعى ورىنباسارى بولات بەرسەباەۆتىڭ ۇلى بولىپ شىقتى. بۇل تۋرالى qandastar.kz Stan.kz اقپارات اگەنتتىگىنە سىلتەمە جاساپ حابارلايدى.

جۋرناليست بيگەلدى عابدۋللين ءوزىنىڭ الەۋمەتتىك جەلىدەگى پاراقشاسىندا بولات بەرسەباەۆقا كوڭىل ايتتى.

«بولات بەرسەباەۆقا جانە ونىڭ جاقىن تۋىستارىنا AlmaU ۋنيۆەرسيتەتىندە وقيتىن ۇلى داۋلەتتىڭ قازاسىنا بايلانىستى قايعىسىنا ورتاقتاسىپ كوڭىل ايتامىن», – دەپ جازدى جۋرناليست.

بولات بەرسەباەۆ كازتاگ اقپارات اگەنتتىگىنىڭ يەلەرى سەيتقازى مەن اسەت ماتاەۆتاردىڭ اتىشۋلى ىسىندە كۋاگەر بولدى. ول بۇعان دەيىن اقپاراتتاندىرۋ جانە بايلانىس كوميتەتىنىڭ توراعاسى قىزمەتىن اتقاردى. سوتتا ول شىنىمەن دە, وكىلەتتىلىگىن اسىرا قازتاگ-پەن كەلىسىم جاساسقانىن, بىراق ەشقانداي جاۋاپكەرشىلىك ارقالامايتىنىن مالىمدەدى. سەيىتقازى جانە اسەت ماتاەۆتار تيىسىنشە 5 جانە 6 جىلعا سوتتالىپ, 2022 جىلى جوعارعى سوت ولاردى تولىعىمەن اقتاپ شىقتى.

مەملەكەتتىك قىزمەتتەن كەتكەننەن كەيىن بولات بەرسەباەۆ «سانا» ساياسي-الەۋمەتتىك تەحنولوگيالار ورتالىعى» جشس تىركەپ, مانسابىن ساياساتتانۋشى رەتىندە جالعاستىردى.

بولات بەرسەباەۆتىڭ ەڭبەك جولىنا ۇڭىلسەك, ول 2008 جىلدارى پرەزيدەنت ءباسپاسوز حاتشىسىنىڭ ورىنباسارى, اقپارات جانە مۇراعات كوميتەتىنىڭ توراعاسى, 2008-2010 جىلدارى «ارنا مەديا» ۇلتتىق حولدينگىنىڭ باسقارۋشى ديرەكتورى جانە پرەزيدەنت اكىمشىلىگىندە مەملەكەتتىك ينسپەكتور بولىپ قىزمەت اتقارعان. 2014 جىلدارى «نۇر-مەديا» جشس باس ديرەكتور رەتىندە تاعايىندالعانعا دەيىن بولات بەرسەباەۆ «نۇر وتان» پارتياسى حاتشىسىنىڭ مىندەتىن اتقارۋشى لاۋازىمىندا قىزمەتتە بولدى, «نۇر-مەديا» جشس قاداعالاۋ كەڭەسىن باسقاردى. كەيىن «نۇر-مەديا» حولدينگىن بۇعان دەيىن باسقارعان ەرلان بايجانوۆتىڭ باسقا قىزمەتكە اۋىسۋىنا بايلانىستى ول لاۋازىمىنان بوساتىلدى.