«وزىنەن ەكى جاس ۇلكەن»: جۋرناليست ايگۇل يمانباەۆانىڭ كەلىنىن كوپشىلىككە تانىستىردى

ءانشى ايگۇل يمانباەۆانىڭ كەلىنى ۇلىنان ەكى جاس ۇلكەنى بەلىگىلى بولدى. بۇل تۋرالى جۋرناليست اننا دانچەنكو ءمالىم ەتتى, دەپ حابارلايدى Qandastar.kz اقپارات پورتالى.

جۋرناليست ونەر يەسىنىڭ ۇلى ۇيلەنىپ, بالالى بولعانىن كوپشىلىك بىلمەي قالعانىن ايتتى.

«ايگۇل يمانباەۆانىڭ شاڭىراعىندا قوس قۋانىش. ۇلى اسلىجاننىڭ ۇيلەنىپ, بالالى بولعانىن كوبىسى بىلمەيدى ەكەن, سەبەبى ءانشىنىڭ بالاسى جەكە ءومىرىن جاريا ەتۋدەن الشاق. جان-جارى — جانسايا, وزىنەن 2 جاس ۇلكەن. ەكەۋى ءبىر سالادان. ايسۇلۋ ەسىمدى  قىزدارى بار, بۇيىرسا, جاقىندا تاعى دا بوپەلى بولادى. بۇگىن الماتىدا قوس عاشىقتىڭ قۇرمەتىنە داستارحان جايىلدى. بەلگىلى سەبەپتەرگە بايلانىستى ۇلكەن ۇيلەنۋ تويلارى بولمادى. ەندى مىنە, ايگۇل حانىم ۇلى مەن كەلىنىنە توي جاساپ, ارتىنشا نەمەرەسىنىڭ تۇساۋكەسەرىن وتكىزدى», — دەپ جازدى جۋرناليست.