Jańalyqtar
Parasportshy Nyshan О́miráliniń neden qaıtys bolǵany belgili boldy
Foto ©️ Paralımpıada komıteti/Meıirjan Amangeldıev
Qazaqstandyq tanymal parataekvondoshy Nyshan О́miráliniń neden qaıtys bolǵany belgili boldy, – dep habarlaıdy msports.kz caıty.
Jambyl oblysynyń polıııa departamenti parasportshynyń jol apatynan qaıtys bolǵanyn málimdedi.
2024 jylǵy 1 qazanda saǵat 22:15-te respýblıkalyq mańyzy bar «Batys Eýropa – Batys Qytaı» avtojolynyń 542-shaqyrymynda Nissan Maxima markaly avtokóliktiń júrgizýshisi Túrkistan oblysynan Taraz baǵytyna qaraı júrip bara jatyp, jolda túıemen soqtyǵysqan.
Avtokólik salonynda júrgizýshi ǵana bolǵan. Jol-kólik oqıǵasy saldarynan er adam alǵan dene jaraqattarynan Taraz qalasynyń №1 qalalyq aýrýhanasyna jetkizý kezinde qaıtys boldy. Polıııa qyzmetkerleri Qazaqstan Respýblıkasy Qylmystyq kodeksiniń 345-babynyń 3-bóligi boıynsha sotqa deıingi tergeý bastady. Avtokólik arnaıy aıyppul turaǵyna qoıyldy. Janýardyń ıesin jaýapkershilikke tartý maqsatynda izdestirý jumystary júrgizilýde, – dep jaýap berdi polıııa departamenti Tengri Sport suraýyna.
Nyshan О́miráli – Taraz qalasynyń týmasy edi. 17 jasynan bastap sportpen aınalysyp, búginge deıin eki dúrkin álem chempıony, Azııa chempıony atandy. Sonymen qatar Azııa oıyndarynyń jáne kóptegen halyqaralyq jarystardyń júldegeri. 2021 jyly Tokıoda, osy jazda Parıjde ótken Paralımpıada oıyndaryna qatysty.
Parasportshynyń artynda jary men úsh balasy qaldy.
