PARIJ ASPANYNDA TAǴY DA QAZAQ ÁNI QALYQTADY

Parıjdiń kishkentaı turǵyndary Qazaqstanmen tanysty. Franýz astanasynyń ortalyǵynda bastaýysh synyp oqýshylary úshin kórme men mýzykalyq qoıylym kórsetilgen. «Parıj – barlyq boıaýda» jobasy 15 jyldan beri álem elderiniń mádenıetin pash etip keledi. Bıyl Qazaqstan men Ýkraına tańdap alynǵan.

Sharada eki eldiń ártisteri birge óner kórsetti. Sahnaǵa kásibı ánshi-bıshilerden bólek «Raýan» halyq ansambliniń balalary da shyqty. Dombyrashylar kvarteti bastaǵan ónerpazdar, qyz uzatý dástúrin tanystyrdy. Elvıra Iamanıdı, «FRANCE UNESCO ESPLANADE» qaýymdastyǵynyń art-dırektory: — Sahna tórine kásibı ónerpazdarmen qatar áýesqoılar da shyqty.

Osyndaı úılesimniń bolýy mańyzdy. Bul qoıylymdardyń balalar úshin qyzyqty qyla túsedi. Gúlmıra Toqtasynqyzy, «Raýan» ansambliniń jetekshisi: — Negizi kórerimenderi sondaı keremet. О́ıtkeni olar mádenıetti túsine biledi. Olar sizdiń berip jatqanyńyzdyń bárin qabyldap, joǵary dárejede qurmettep, sony qabyldaıdy. Sol jaǵynan bizge óte unaıdy. Franýz halqy mádenıet jaǵynan úlken dárejede. Balalar úshin daıyndalyp keldik.

Dúnıejúzinde bári jaqsy, biraq eń keremeti – osy franýz balalary, olar mádenıetti túsinedi, qurmetteıdi. Elıza, bastaýysh mektep anımatory: — Balalarǵa birdeńeni arnaıy túsindirýdiń esh qajeti joq. Eń bastysy olardyń júregine jol taba bilý qajet. Muny sózsiz de jasaýǵa bolady.