«پاتەرىندە جالاڭاش وياندىم»: مەكتەپتىڭ ەكس-قىزمەتكەرى بۇرىنعى ديرەكتور ورىنباسارىن وزىنە ءتيىستى دەپ ايىپتادى

اتىراۋدا №30 مەكتەپتىڭ بۇرىنعى قىزمەتكەرى ءبىلىم ورداسىنىڭ بۇرىنعى ديرەكتوردىڭ وقۋ ءىسى جونىندەگى ورىنباسارىن وزىنە ءتيىستى دەپ ايىپتادى, دەپ حابارلايدى Qandastar.kz Stan.kz-كە سىلتەمە جاساپ.

ونىڭ ايتۋىنشا, 2013 جىلى ول مەكتەپكە جۇمىسقا ورنالاسقان. سول كەزدە ديرەكتور ورىنباسارى بولعان ەر ادام ءوزىنىڭ كاتەگوريا الۋىن جانە جىگىتتىڭ العاشقى جالاقى الۋىن اتاپ ءوتۋدى ۇسىنعان.

بۇل وقيعا ديرەكتور ورىنباسارىنىڭ پاتەرىندە بولعان. جاس مامان ەر ادامنىڭ ۇيىندە تاڭەرتەڭ جالاڭاش ويانعان.

«پاتەردە تاعى ەكى ەر ادام بولدى. سول كەزدە ول ماعان: ء«بىزدىڭ الەمگە قوش كەلدىڭ. ەندى سەن بىزدەنسىڭ» دەدى. ەگەر بىرەۋگە مەن تۋرالى ايتاتىن بولساڭ, سەنى دە ايتامىن دەپ قورقىتتى», – دەيدى ەكس-قىزمەتكەر.

ارادا 13 جىل وتكەن سوڭ ەر ادام بۇل جاعدايدى اشىق ايتۋعا شەشىم قابىلداعان. ويتكەنى سول كەزدەگى ديرەكتوردىڭ ورىنباسارى قازىر قالاداعى مەكتەپتەردىڭ بىرىندە ديرەكتور بولىپ وتىر ەكەن.

«ول قازىر 100 000 وقۋشى بار ءبىلىم ورداسىنىڭ ديرەكتورى بولىپ وتىر. بۇل وتە جيىركەنىشتى. ول سول ارەكەتىن ءالى دە جالعاستىرىپ ءجۇر دەپ ويلايمىن. ويتكەنى ءبىر تانىسىمنان ونىڭ جاس جىگىتتەردى تاۋىپ بەرۋىن وتىنگەنىن ەستىدىم”, — دەيدى.

بۇل جاعدايعا قاتىستى مەكتەپ ديرەكتورى ءوزى پىكىر ءبىلدىردى. سوزىنشە IT مامانى جالعان اقپارات بەرىپ وتىر.

“مەن داليەۆ دۋلات ەلەمەس ۇلى 1999 جىلدان بەرى ءتۇرلى ءبىلىم وردالارىندا پەداگوگ رەتىندە جۇمىس ىستەپ كەلەمىن. وسى ۋاقىتقا دەيىن اتا-انالار جانە پەداگوگتەر تاراپىنان ارەكەتىمە قاتىستى شاعىمدار بولعان ەمەس. ال الەۋمەتتىك جەلىدە تاراعان ۆيدەوعا قاتىستى ايتارىم بولسا, ەشقانداي اقپارات راستالماي تۇرىپ, ءبىر-بىرلەرىڭىزگە تاراتپاۋلارىڭىزدى ۇسىنامىن. ويتكەنى پەن پەداگوگ عانا ەمەس ءبىر ۇل مەن قىزدىڭ اكەسى بولامىن”, — دەيدى مەكتەپ ديرەكتورى.

ال وبلىستىق ءبىلىم باسقارماسىنداعىلار كوتەرىلگەن ماسەلەدەن كەيىن ەكى ۇستازدىڭ جەكە باسى تەكسەرىلەتىنىن ايتتى.

ء«بىلىم باسقارماسى الەۋمەتتىك جەلىلەردە ورتا مەكتەپتىڭ مۇعالىمىنە قاتىستى تۇسكەن ءوتىنىش بويىنشا تەكسەرۋ جۇرگىزەدى. سونىمەن قاتار, اتالعان ءوتىنىشتى جاريالاعان ازاماتقا قۇقىق قورعاۋ ورگاندارىنا حابارلاسۋدى ۇسىنامىز, بۇل جاعدايدى قۇقىقتىق الاڭدا جان-جاقتى جانە وبەكتيۆتى زەرتتەۋ ءۇشىن», — دەدى ءبىلىم باسقارماسىنىڭ رەسمي حابارلاماسىندا.