جاڭالىقتار
پاۆلودار اسپانىندا بەلگىسىز تابيعي قۇبىلىس پايدا بولدى
بۇگىن پاۆلودار قالاسىنىڭ تۇرعىندارى ەرەكشە تابيعي قۇبىلىستىڭ كۋاسى بولدى — اسپاندا كەنەتتەن پايدا بولعان قۇيىن كوپشىلىكتى تاڭعالدىردى, دەپ حابارلادى Qandastar.kz
جەرگىلىكتى تۇرعىندار وقيعا ورنىندا تۇسىرىلگەن بەينەجازبالاردى جاپپاي جاريالاۋدا. كادرلاردا اسپاندا بىردەن كوزگە تۇسەتىن ۇلكەن, ءتاج پىشىندەس اينالمالى ءتۇتىن باعانى بەينەلەنگەن. تابيعي قۇبىلىس قالا تۇرعىندارىنىڭ نازارىن بىردەن اۋدارىپ, الەۋمەتتىك جەلىلەردە قىزۋ تالقىلانىپ جاتىر.
«العاشىندا بۇلتتاردىڭ اراسىنان بىردەڭە جىلجىپ كەلە جاتقانداي كورىندى. سودان سوڭ اينالا باستادى. بۇرىن مۇندايدى تەك تەلەديداردان كورەتىنبىز», — دەيدى كۋاگەرلەردىڭ ءبىرى. كوپشىلىگى بۇل كورىنىسكە تامسانا قاراسا, كەيبىرەۋلەر ۇرەيگە بوي الدىرعانىن جاسىرمايدى. اسىرەسە بالالارمەن سەرۋەندە جۇرگەن انالار مەن ەگدە جاستاعى ادامدار ءسال الاڭداۋشىلىق تانىتقان.
«تابيعاتتىڭ توسىن سىيى ادامدى ءبىر ساتكە ويلاندىرىپ قويادى ەكەن», — دەيدى تۇرعىندار.
قۇبىلىستىڭ ناقتى سەبەپتەرى ازىرگە بەلگىسىز. ماماندار بۇل تابيعي جاعداي بولۋى مۇمكىن ەكەنىن ايتادى. قازىرگى ۋاقىتتا سينوپتيكتەر مەن توتەنشە جاعدايلار قىزمەتى ۆيدەونى زەرتتەپ جاتىر. ايتا كەتەيىك, قازاقستاننىڭ سولتۇستىك جانە شىعىس وڭىرلەرىندە جاز ايلارىندا مۇنداي شاعىن قۇيىندار سيرەك بولسا دا تىركەلىپ تۇرادى. الايدا ءدال پاۆلوداردىڭ ورتالىعىندا, ەلدىمەكەن ماڭىندا پايدا بولۋى — بۇل قۇبىلىستى ەرەكشە ەتتى.
