Pavlodar aspanynda belgisiz tabıǵı qubylys paıda boldy

Búgin Pavlodar qalasynyń turǵyndary erekshe tabıǵı qubylystyń kýási boldy — aspanda kenetten paıda bolǵan quıyn kópshilikti tańǵaldyrdy, dep habarlady Qandastar.kz

Jergilikti turǵyndar oqıǵa ornynda túsirilgen beınejazbalardy jappaı jarııalaýda. Kadrlarda aspanda birden kózge túsetin úlken, táj pishindes aınalmaly tútin baǵany beınelengen. Tabıǵı qubylys qala turǵyndarynyń nazaryn birden aýdaryp, áleýmettik jelilerde qyzý talqylanyp jatyr.

«Alǵashynda bulttardyń arasynan birdeńe jyljyp kele jatqandaı kórindi. Sodan soń aınala bastady. Buryn mundaıdy tek teledıdardan kóretinbiz», — deıdi kýágerlerdiń biri. Kópshiligi bul kóriniske tamsana qarasa, keıbireýler úreıge boı aldyrǵanyn jasyrmaıdy. Ásirese balalarmen serýende júrgen analar men egde jastaǵy adamdar sál alańdaýshylyq tanytqan.

«Tabıǵattyń tosyn syıy adamdy bir sátke oılandyryp qoıady eken», — deıdi turǵyndar.

Qubylystyń naqty sebepteri ázirge belgisiz. Mamandar bul tabıǵı jaǵdaı bolýy múmkin ekenin aıtady. Qazirgi ýaqytta sınoptıkter men tótenshe jaǵdaılar qyzmeti vıdeony zerttep jatyr. Aıta keteıik, Qazaqstannyń soltústik jáne shyǵys óńirlerinde jaz aılarynda mundaı shaǵyn quıyndar sırek bolsa da tirkelip turady. Alaıda dál Pavlodardyń ortalyǵynda, eldimeken mańynda paıda bolýy — bul qubylysty erekshe etti.