Pavlodar oblysynda ákesi ógeı qyzyn birneshe ret zorlaǵan

Pavlodarda ógeı qyzyna zorlyq-zobylyq kórsetken áke kinásin tolyǵymen moıyndady, dep habarlaıdy Qandastar.kz aqparat portaly Pavlodarnews.kz-ke silteme jasap.

Pavlodar oblysy qylmystyq ister jónindegi mamandandyrylǵan aýdanaralyq sotynda kámeletke tolmaǵannyń dármensiz jaǵdaıyn paıdalana otyryp, jynystyq sıpattaǵy áreketterdi birneshe ret jasaý faktisi boıynsha er adamǵa qatysty qylmystyq is qaraldy (QK 121-b. 3-b. 1-t.), 121-b. 3-1b.-1t).

Istiń mán-jaılary zańǵa sáıkes jarııalanbaǵandyqtan, is jabyq sot otyrysynda qaraldy.

Sottalýshynyń kinási onyń moıyndaý aıǵaqtarymen, jábirlenýshiniń jáne onyń zańdy ókiliniń, kýágerdiń aıǵaqtarymen, is boıynsha júrgizilgen saraptamalarmen jáne sotta zerttelgen basqa da aıǵaqtarmen dáleldendi.

Prokýror aıyptalýshyny 15 jylǵa bas bostandyǵynan aıyrýdy surady. Jábirlenýshi tarap memlekettik aıyptaýshyny tolyq qoldady. Aıyptalýshy eki bapta kórsetilgen qylmystardy tolyǵymen moıyndady.

Er adamnyń jasaǵan áreketi asa aýyr qylmys bolyp tabylady jáne ony jasaǵany úshin zańda 15 jyldan 17 jylǵa deıingi merzimge bas bostandyǵynan aıyrý túrindegi jaza kózdelgen. Sot onyń buryn sottalmaǵanyn, kinásin tolyq moıyndaǵanyn jáne jas balasy bar ekenin, sondaı-aq, jábirlenýshi taraptyń pikirin eskere otyryp, aıyptalýshyǵa túzetý jáne jańa qylmystyq quqyq buzýshylyqtardyń aldyn alý úshin oǵan eń az merzim taǵaıyndaý jetkilikti degen qorytyndyǵa keldi.

Osyǵan baılanysty er adamdy 15 jylǵa bas bostandyǵynan aıyrý túrindegi jaza taǵaıyndaldy. Sondaı-aq, ol ómir boıy kámeletke tolmaǵandarmen jumys isteýge baılanysty pedagogıkalyq laýazymdardy atqarý quqyǵynan aıyrylady.

Úkim zańdy kúshine engen joq.