پاۆلودار وبلىسىندا بالالار ءۇيىنىڭ تاربيەلەنۋشىلەرى جوعالىپ كەتتى

پاۆلودار وبلىسىندا ءجاسوسپىرىم قىزدار بالالار ۇيىنەن جوعالىپ كەتتى. مەكتەپ وقۋشىلارىن پوليتسەيلەر, ەرىكتىلەر جانە ايماق تۇرعىندارى ىزدەپ جاتىر. كامەلەتكە تولماعانداردى ىزدەۋ حابارلاماسىن Vita ىزدەۋ توبىنىڭ ەرىكتىلەرى جاريالادى, دەپ حابارلايدى Skifnews.kz اقپارات پورتالى Azattyq Rýhy سايتىنا سىلتەمە جاساپ.

16 جاسار ايدا بۋسۋرمانوۆا مەن 14 جاسار سنەجانا بابيۋس 12 قازاندا جوعالىپ كەتكەن. جاسوسپىرىمدەر شاقات اۋىلى, ميرا كوشەسى 1/1 مەكەن-جايىنان بەلگىسىز باعىتتا شىققان جانە وسى ۋاقىتقا دەيىن ولاردىڭ ورنالاسقان جەرى بەلگىسىز.

سنەجانا بابيۋس: بويى 162-165 سانتيمەتر, دەنە ءبىتىمى ارىق, كوزدەرى كوك, شاشتارى ۇزىن, اققۇبا. ول سۇر سپورتتىق كوستيۋم, قارا جەڭسىز كەۋدەشە جانە جەڭىل كروسسوۆكا كيگەن.

ايدا بۋسۋرمانوۆا: بويى 158-160 سانتيمەتر, ورتاشا دەنەلى, كوك كوزدى, اقشىل شاشتى, قارا كۋرتكا, سپورتتىق شالبار جانە جەڭىل كروسسوۆكا كيگەن.

كامەلەتكە تولماعانداردىڭ ەكەۋى دە بالالار ءۇيىنىڭ تاربيەلەنۋشىلەرى.

پوليتسيا جوعالعان ادامدار تۋرالى اقپاراتتى راستادى.

«شاقات اۋىلىندا ەكى كامەلەتكە تولماعاننىڭ حابار-وشارسىز كەتۋىنە بايلانىستى سوتقا دەيىنگى تەرگەۋ باستالدى. قازىرگى ۋاقىتتا ولاردىڭ ورنالاسقان جەرىن انىقتاۋ ءۇشىن بارلىق قاجەتتى جەدەل-ىزدەستىرۋ ءىس-شارالارى جۇرگىزىلۋدە. بارلىق قولجەتىمدى رەسۋرستار مەن پوليتسيانىڭ بارلىق جەكە قۇرامى ىزدەۋگە جۇمىلدىرىلدى. پوليتسيا دەپارتامەنتى بۇل جاعدايدى تەزىرەك شەشۋ ءۇشىن بارىنشا كۇش سالۋدا جانە جوعالعان ادامداردى ىزدەۋدە كەز كەلگەن ىقتيمال كومەك كورسەتۋدى سۇراپ ازاماتتارعا جۇگىنەدى», – دەپ ءتۇسىندىردى پاۆلودار وبلىسى پوليتسيا دەپارتامەنتىنىڭ ءباسپاسوز قىزمەتى.

ەرىكتىلەر ەكى قىزدىڭ دا اقسۋدا بولۋى مۇمكىن ەكەنىن ايتادى.