Jańalyqtar
Pavlodar oblysynda balalar úıiniń tárbıelenýshileri joǵalyp ketti
Foto: ınstagramnan
Jasóspirimder Shaqat aýyly, Mıra kóshesi 1/1 meken-jaıynan belgisiz baǵytta shyqqan jáne osy ýaqytqa deıin olardyń ornalasqan jeri belgisiz.
Pavlodar oblysynda jasóspirim qyzdar balalar úıinen joǵalyp ketti. Mektep oqýshylaryn polıeıler, eriktiler jáne aımaq turǵyndary izdep jatyr. Kámeletke tolmaǵandardy izdeý habarlamasyn Vita izdeý tobynyń eriktileri jarııalady, dep habarlaıdy Skifnews.kz aqparat portaly Azattyq Rýhy saıtyna silteme jasap.
16 jasar Aıda Býsýrmanova men 14 jasar Snejana Babıýs 12 qazanda joǵalyp ketken. Jasóspirimder Shaqat aýyly, Mıra kóshesi 1/1 meken-jaıynan belgisiz baǵytta shyqqan jáne osy ýaqytqa deıin olardyń ornalasqan jeri belgisiz.
Snejana Babıýs: boıy 162-165 santımetr, dene bitimi aryq, kózderi kók, shashtary uzyn, aqquba. Ol sur sporttyq kostıým, qara jeńsiz keýdeshe jáne jeńil krossovka kıgen.
Aıda Býsýrmanova: boıy 158-160 santımetr, ortasha deneli, kók kózdi, aqshyl shashty, qara kýrtka, sporttyq shalbar jáne jeńil krossovka kıgen.
Kámeletke tolmaǵandardyń ekeýi de balalar úıiniń tárbıelenýshileri.
Polıııa joǵalǵan adamdar týraly aqparatty rastady.
«Shaqat aýylynda eki kámeletke tolmaǵannyń habar-osharsyz ketýine baılanysty sotqa deıingi tergeý bastaldy. Qazirgi ýaqytta olardyń ornalasqan jerin anyqtaý úshin barlyq qajetti jedel-izdestirý is-sharalary júrgizilýde. Barlyq qoljetimdi resýrstar men polıııanyń barlyq jeke quramy izdeýge jumyldyryldy. Polıııa departamenti bul jaǵdaıdy tezirek sheshý úshin barynsha kúsh salýda jáne joǵalǵan adamdardy izdeýde kez kelgen yqtımal kómek kórsetýdi surap azamattarǵa júginedi», – dep túsindirdi Pavlodar oblysy polıııa departamentiniń baspasóz qyzmeti.
Eriktiler eki qyzdyń da Aqsýda bolýy múmkin ekenin aıtady.
