Pavlodar oblysynda daýyldan bir adam qaza taýyp, 16 adam zardap shekti

Keshe Pavlodar oblysynda jyldamdyǵy sekýndyna 43 metrge deıin jetken daýyl soǵyp, aıtarlyqtaı qıratýlarǵa, elektr energııasynyń óshýine jáne halyq arasynda jaraqat alý jaǵdaılaryna sebep boldy, dep habarlaıdy Qandastar.kz aqparat portaly.

1968 jyly týǵan áıel Aqsý qalasynda qaza tapty

«Tótenshe qyzmetterdiń málimetinshe, 16 adam zardap shekti, onyń ishinde úsheýi – bala. Bir adam kóz jumdy – Aqsý qalasynda 1968 jyly týǵan turǵyn qaza boldy», – dep habarlady Pavlodar oblysy ákiminiń baspasóz qyzmeti.

Tabıǵat apatynyń negizgi saldary

Pavlodar qalasynda 47 nysannyń, onyń ishinde 6 áleýmettik mekemeniń shatyry búlindi. Aqsý jáne Ekibastuz qalalarynda 23 nysan, Baıanaýyl aýdanynda 7 nysan, sondaı-aq Maı jáne Pavlodar aýdandarynda da ǵımarattardyń búlinýi tirkeldi.

Elektr energııasynyń úzilýi

Oblys qalalary men aýdandarynda elektr qýatynyń úzilýi baıqaldy. Qazirgi ýaqytta Aqsý qalasy men Baıanaýyl aýdanynda elektr jaryǵy óshken.

Tótenshe qyzmetter kúsheıtilgen rejımde jumys isteýde

Qazir tabıǵat apatynyń saldaryn joıý jumystary júrgizilýde. Baılanys jáne elektr berý jelileriniń 16 tireýishin qalpyna keltirý jumystary júrgizilýde. 300-den astam adam men 103 arnaıy tehnıka jumyldyryldy.

Esterińizge sala keteıik, buǵan deıin Aqsý qalasynda taksıde ketip bara jatqan áıeldi daýyl kezinde qulaǵan aǵash shanshyp ólimine ákelgen bolatyn. Dúleı jel aımaqta myńdaǵan úıdi jaryqsyz qaldyrdy.