Pavlodar oblysynda polıeı atylyp qaldy: Bir top áriptesi qyzmetten ketti

Foto: ashyq derekkóz

Pavlodar oblysy prokýratýrasynyń málimetinshe, óńirde ózin atyp óltirgen polıeıdiń óliminen keıin áriptesteri qyzmetinen bosatyldy, dep habarlaıdy Politico.kz.

Vedomstvo aqparatyna qaraǵanda, Pavlodar oblysynda 22 jastaǵy polıeıdiń óz-ózine qol jumsaý faktisi boıynsha tergeý jalǵasyp jatyr. Bıyl maýsym aıynda Ertis aýdandyq polıııa bóliminiń kishi serjanty ózine oq atqan.

Sotqa deıingi tergep-tekserý Qylmystyq kodekstiń 105-babynyń 1-bóligi («Adamdy qorqytý, qatygezdikpen qaraý nemese júıeli túrde qorlaý arqyly ózin-ózi óltirýge ıtermeleý nemese ózin-ózi óltirýge oqtalý») boıynsha júrgizilip jatyr.  Qadaǵalaý organy qyzmettik tekserý nátıjelerin de habarlady.

Pavlodar oblysy Polıııa departamentiniń Ishki qaýipsizdik basqarmasy atalǵan fakti boıynsha qyzmettik tekseris júrgizdi, nátıjesinde Ertis aýdandyq polıııa bólimi men polıııa bóliminiń birqatar qyzmetkeri qatań tártiptik jaýapkershilikke tartyldy, onyń ishinde keıbireýleri jumystan bosatyldy, – dedi Pavlodar oblysy prokýrorynyń orynbasary Erbol Ysqaqov.

Tergeý múddesindegi basqa aqparat jarııa etilmeıdi.

Eske salaıyq, buǵan deıin áleýmettik jelilerde kishi serjanttyń úıinde bolǵan kezinde ózine-ózi qol jumsaý týraly hat qaldyryp, qyzmettik qarýymen basynan atyp ólgeni habarlanǵan edi.

Aýyr oq jaraqatyn alǵan polıeı 29 maýsymǵa qaraǵan túni Ertis kentinen Pavlodar qalalyq No1 aýrýhanasynyń jansaqtaý bólimine jetkizildi. Jas jigit komaǵa túsken. Kelesi kúni keshke qaıtys boldy.