جاڭالىقتار
پاۆلوداردا اۆتوبۋس جۇرگىزۋشىسى ءبىر ادامدى قاعىپ ءولتىردى
20 مامىردا Golden DRAGON ماركالى اۆتوبۋستىڭ جۇرگىزۋشىسى ۆەلوسيپەدشىنى قاعىپ, مەرت قىلدى, دەپ حابارلايدى Qandastar.kz اقپارات پورتالى Pavlodarnews.kz باسىلىمىنا سىلتەمە جاساپ.
وبلىستىق پوليتسيا دەپارتامەنتىنىڭ مالىمەتىنشە, جۇرگىزۋشى جىبەك جولى كوشەسىمەن كەلە جاتىپ, گەرينگ كوشەسىنىڭ قيىلىسىندا جولدىڭ ءجۇرىس بولىگىن بەلگىسىز جەردە ءوتىپ بارا جاتقان ۆەلوسيپەدشىنى قاعىپ كەتتى.
جول-كولىك وقيعاسى سالدارىنان ۆەلوسيپەدشى العان جاراقاتتارىنان وقيعا ورنىندا قايتىس بولدى. ايتا كەتەيىك, كوز جۇمعان ۆەلوسيپەدشى 61 جاستا بولعان.
وقيعانىڭ ءمان-جايى مەن سەبەپتەرى تەرگەۋ بارىسىندا انىقتالاتىن بولادى.
