پاۆلوداردا مەكتەپ وقۋشىسى سىنىپتاسى مەن مۇعالىمگە پىشاق جاراقاتىن سالعان

پوليتسەيلەر كۇدىكتىنى ۇستادى. «بۇل فاكت بويىنشا قىلمىستىق ءىس قوزعالدى. قازىر قاجەتتى تەرگەۋ امالدارى جۇرگىزىلۋدە», – دەپ حابارلادى پاۆلودار وبلىسىنىڭ پوليتسيا دەپارتامەنتى وكىلدەرى. پوليتسيا تەرگەۋ مۇددەسى ءۇشىن ءمان-جاي جاريا ەتىلمەيتىنىن ءمالىم ەتتى. ايتا كەتەيىك, قاراعاندى اۋداندارىنىڭ بىرىندە ەر ادامعا پىشاقپەن شابۋىل جاساعان كۇدىكتى ۇستالعان بولاتىن. سونداي-اق, 30 ساۋىردە جامبىل وبلىسىندا سەگىزىنشى سىنىپ وقۋشىسى جوعارعى سىنىپ وقۋشىسىنىڭ قولىنان قازا تاپتى. 14 جاستاعى بالا كەۋدە تۇسىنان العان سوققىدان كەيىن مەكتەپ دارەتحاناسىندا جان تاپسىرعان. ال الىمجەتتىك كورسەتىپ, جۇدىرىق جۇمساعان 9 سىنىپتىڭ وقۋشىسى قاماۋعا الىندى.