جاڭالىقتار
پاۆلوداردا جەتىم قىزدى زورلاعان ەر ادام ءوزىن اتىپ ءولتىردى

فوتو: جەتىسۋ پد
پەدوفيلدىك ارەكەتتى ءبىراز جىل بۇرىن ونى قامقورشىلىققا العان ەر ادام جاساعان.
پاۆلودارداعى جەلەزين اۋدانىندا ەر ادامنىڭ جەتىم قىزدى زورلاعانى انىقتالدى, دەپ حابارلايدى qandastar.kz Skifnews.kz اقپارات پورتالىنا سىلتەمە جاساپ.
ول بۇعان دەيىن قىز بالانىڭ قامقورشىسى بولعان.
جەلەزين اۋدانىنداعى بالالار ءۇيىنىڭ 16 جاسار تاربيەلەنۋشىسىن گينەكولوگيالىق تەكسەرۋ بارىسىندا بۇرىن ونىڭ ەر اداممەن جىنىستىق قاتىناستا بولعانى انىقتالعان. پەدوفيلدىك ارەكەت ءبىراز جىل بۇرىن, ونى قامقورشىلىققا العان ەر اداممەن جاسالعان.
«كامەلەتكە تولماعاندى زورلاۋ فاكتىسى بويىنشا قىلمىستىق ءىس قوزعالدى. كۇدىكتى انىقتالدى. الايدا كۇدىكتى جابىرلەنۋشىنىڭ اتالعان دەرەك بويىنشا پوليتسياعا جۇگىنگەنىن ءبىلىپ, ءوز-وزىنە قول جۇمسادى. وقيعانىڭ ءمان-جايى مەن سەبەپتەرى انىقتالىپ جاتىر. تەرگەۋ پاۆلودار وبلىسى پوليتسيا دەپارتامەنتى باسشىلىعىنىڭ ەرەكشە باقىلاۋىندا», — دەپ حابارلادى پاۆلودار وبلىسى پوليتسيا دەپارتامەنتىنىڭ ءباسپاسوز قىزمەتىنەن.