پاۆلودارلىقتاردىڭ 500 ملن تەڭگە نەسيەسى كەشىرىلدى

فوتو: istockphoto.com

زاڭدا كوزدەلگەن كەيبىر شارتتارعا سايكەس كەلمەۋىنە بايلانىستى 2900-گە جۋىق ءوتىنىش بەرۋشىگە بانكروت دەپ تانىلۋ راسىمىندە باس تارتىلدى

بورىشكەرلەردى بانكروت دەپ تانۋ تۋرالى ەڭ كوپ شەشىم وبلىس ورتالىعىندا شىعارىلدى. بۇل تۋرالى وڭىرلىك كوممۋنيكاتسيالار قىزمەتىندە وتكەن ءباسپاسوز كونفەرەنتسياسىندا پاۆلودار وبلىسى بويىنشا مەملەكەتتىك كىرىستەر دەپارتامەنتى دارمەنسىز بورىشكەرلەرمەن جۇمىس باسقارماسىنىڭ باس مامانى جاسلان سەرجانوۆ مالىمدەدى.

بۇگىندە سوتتان تىس بانكروتتىققا 3900-گە جۋىق ءوتىنىش بەرىلدى, ونىڭ ىشىندە 517 جاعدايدا عانا وڭ ۇيعارىم بەرىلدى. 2024 جىلدىڭ ءساۋىر ايىنا دەيىن 500 ميلليون تەڭگەگە جۋىق قاراجات ەسەپتەن شىعارىلدى. ال 140 ادام وتىنىشتەرىن كەرى قايتارىپ الدى. ياعني, بورىشكەر جۇمىسقا ورنالاسىپ, تولەۋگە دايىن ازاماتتار قاتارىنا قايتادان قوسىلدى دەگەن ءسوز, – دەدى جاسلان سەرجانوۆ.

بورىشكەرلەردى بانكروت دەپ تانۋ تۋرالى ەڭ كوپ شەشىم پاۆلودار قالاسىندا – 220, ەكىباستۇزدا – 189, اقسۋ قالاسىندا – 18, اۋدانداردان – پاۆلودار اۋدانىندا 35 شەشىم شىعارىلدى.