Perızat Qaırat basqarǵan Biz Birgemiz qorynda 10 quryltaıshy bar: olar kimder?

SAN PIKIR

«Eriktiler qozǵalysynyń belsendisi ári qoǵamdyq qaıyrymdylyq qorynyń quryltaıshysy Perızat Qaırat ustaldy» degen aqparat kesheli beri BAQ-tardan bastap búkil áleýmettik jelide qyzý talqylanyp jatyr. Mádenıet jáne aqparat mınıstri Aıda Balaevadan bastap, Biz Birgemiz qoryn bilgen, estigen, aqsha aýdarǵan adamdar bir aýyz pikirin qaldyryp, bolǵan oqıǵaǵa ún qosady. Biri kinálaıdy, ekinshisi “kinásizdik prezýmpııasy saqtalmaı birjaqty aıyp taǵylyp otyr” dep esepteıdi. San pikirdiń týyndaýyna Qarjy monıtorıngi agenttiginiń Perızat Qaırattyń “600 mln teńgege úı alyp, eń qymbaty 88 mln teńgeniń kóligin minip, besjuldyzdy qonaqúılerde demalǵany” jaıly aqparat taratqany “tuzdyq” bola túskendeı. Pikir qaldyrǵandardyń keıbiri bul tek tergeý nusqasy ekenin esepke almaı jazǵany baıqalady.

SONYMEN QURYLTAIShYLAR KIMDER

Ulysmedia.kz resmı ashyqderekkózder arqyly Perızat Qaırat basqarǵan Biz Birgemiz qory jaıly málimetterge úńilip kórdi. Qordyń alǵash Astana qalasynyń Ádilet departamenti 2021 jyly qarashada tirkegen. Qordyń tolyq ataýy – «Biz Birgemiz Qazaqstan 2030» qoǵamdyq birlestigi.

Qordyń quryltaıshylarynyń tiziminde Perızat Qaırattyń ózimen qosqanda 10 adam bar. Olar:

• Matıýshenko Sergeı Vladımırovıch
• Maǵzum Arslanbek Talǵatuly
• Turǵanbaı Shadııar Doktoruly
• Amanbaı Arýjan Orazbaıqyzy
• Bolysov Tohtar Kommýnarovıch
• Hısmatýllın Damır Sakenovıch
• Serıkjanova Aıgerım Teljanovna
• Seıtkamal Gúlnaz Nurlanqyzy
• Hafız Aıan Baýyrjanuly.

Tizimdegi quryltaıshylardyń birazynyń esimi Amanat partııasymen baılanysty. Máselen, Sergeı Matıýshenko partııanyń Astana qalasy Baıqońyr aýdandyq fılıalynyń atqarýshy hatshysy. Elordalyq Azamattyq alıansty dırektory bolǵanyn áleýmettik jelide jazady. О́zin jelide qazaq tilin biletin ýkraın dep tanystyrady.

Maǵzum Arslanbek Astana qalasy «Amanat» partııasy janyndaǵy «Jastar Rýhy» JQ fılıalynyń tóraǵasy. 2023 jylǵy 29 naýryzda Astana qalasy máslıhatynyń VIII saılanymynyń depýtaty bolyp saılanǵan.

Bolysov Tohtar Kommýnarovıch ashyq derekkózderde INMODE jáne CONSULT-INVEST ITIC kompanııasynyń jetekshisi retinde kórsetilgen. Onyń sonymen birge, Ǵylym jáne joǵary bilim mınıstriniń jastar saıasaty jóninde keńesshisi ekeni jazylǵan. 2018-2024 jyldar aralyǵynda Qazaqstan jastar kongresiniń atqarýshy dırektory bolǵan.

Serıkjanova Aıgerım Teljanovna Amanat partııasy janyndaǵy «Jastar Rýhy «Jastar qanaty» qoǵamdyq birlestiginiń Astana qalalyq fılıalynyń burynǵy quryltaıshysy jáne SAT MEDIA kompanııasynyń basshysy.

Hafız Aıan Baýyrjanuly – Amanat partııasy janyndaǵy «Jastar Rýhy» Jastar qanaty » qoǵamdyq birlestiginiń Astana qalalyq fılıalynyń burynǵy quryltaıshysy.

Tizimdegi basqa quryltaıshylar jóninde ashyq aqparat kózderinde málimet tabylmady.