Perızat Qaırat Palestınaǵa kómekke bólingen qarjyny “jymqyrǵan”

Foto: ashyq derekkóz

Eriktiler qozǵalysynyń belsendisi Perızat Qaıratqa qatysty tergeý faktisi boıynsha jarııalanǵan aqparatqa qosymsha retinde kelesini habarlaımyz, dep jazady qandastar.kz

Onyń zańsyz áreketiniń taǵy bir epızody anyqtaldy.

Osylaısha, 2023 jyldyń qarasha aıynda Perızat Qaırat Palestına turǵyndaryna gýmanıtarlyq kómek kórsetý úshin qarajat jınaýdy uıymdastyrdy.

2023 jylǵy jeltoqsanda osy aqsha esebinen Perızat Q. «Sensata Plaza» elıtalyq kesheninen 49 mln teńgege úsh bólmeli páter jáne 30 mln teńgege «Mercedes-Benz EQE 500 4 Matic» jańa avtokóligin satyp aldy.

Sonymen qatar, qarajattyń bir bóligi BAÁ–de «Rolex», «Prada» jáne «Fendi» brendtik býtıkterinen zergerlik buıymdardy, saǵattar men kıimderdi satyp alýǵa jumsaldy.

Bul epızod boıynsha Perızat Q. 200 mln teńgeden asa qarajatty jymqyrdy dep kúdiktelýde.

Tergeý jalǵasýda.

Eger siz Perızat Qaırattyń alaıaqtyq áreketteriniń qurbany bolsańyz, Astana q., Beıbitshilik kóshesi, 10 meken–jaıy boıynsha nemese +7 (7172) 70-84-78 telefon nómiri boıynsha Qarjylyq monıtorıng agenttigine habarlasýyńyzdy suraımyz.