Perızat oqıǵasyna uqsas jaǵdaı: taǵy bir bloger ustaldy

Foto: ashyq derekkóz

Qazaqstanda taǵy bir bloger ustaldy, dep habarlaıdy  qandastar.kz   Dalanews.kz-ke silteme jasap.

«Aq Jaıyq» basylymy málimetinshe, Atyraýda alaıaqtyq jasady degen kúdikpen bloger ustalǵan.  Ol jalǵan utys oıyndary men qaıyrymdylyq jasaý jeleýimen oqyrmandardan aqsha jınap otyrǵan.

Polıııa málimetinshe, áıel áleýmettik jelilerde turmystyq tehnıka, táttiler jáne zergerlik buıymdar sekildi baǵaly syılyqtary bar lotereıalar týraly habarlandyrýlar jarııalaǵan. Sonymen qatar, ol kópbalaly otbasyǵa úı salý úshin qarajat jınaý bastamasyn kótergen. Qatysý sharttary boıynsha kórsetilgen shotqa belgili bir somany aýdarý kerek bolǵan.

Aldyn ala derekter boıynsha onyń «belsendiligi» 2023 jyldyń qyrkúıeginde bastalǵan. Qazirgi ýaqytta 50-den asa jábirlenýshi anyqtalǵan. Keıbir jaǵdaılarda zalal somasy 400 myń teńgeden asqan.

«Bul derek boıynsha QR Qylmystyq kodeksiniń 190-babynyń 1-bóligi («Alaıaqtyq») boıynsha qylmystyq is qozǵaldy. Kúdikti qamaýǵa alyndy, sotaldy tergeý júrgizilip jatyr», — dep jazylǵan basylym málimetinde.

Perızat Qaıratqa qatysty is

Perızat Qaırat — Biz Birgemiz Qazaqstan qaıyrymdylyq qorynyń tóraıymy, Qazaqstandaǵy belsendi eriktiler qozǵalysynyń jetekshisi retinde tanymal. Ol sý tasqynynan zardap shekkenderge kómek kórsetý, Gaza sektoryndaǵy gýmanıtarlyq mıssııalar jáne basqa da qaıyrymdylyq sharalarymen aınalysyp, qoǵamda bedelge ıe boldy.

Alaıda 2024 jyly 14 qarashada Qarjylyq monıtorıng agenttigi Perızat Qaırat 1,5 mıllıardty jymqyrdy degen kúdikke ilingenin habarlady.

Sonymen qatar, ol 2023 jylǵy qarashada Palestına turǵyndaryna gýmanıtarlyq kómek kórsetý úshin qarajat jınap, onyń 200 mıllıonyn qaltasyna basqan degen kúdikke ilindi. QMA dereginshe, 2023 jylǵy jeltoqsanda osy aqsha esebinen Perızat Qaırat Sensata Plaza elıtalyq kesheninen 49 mıllıon teńgege úsh bólmeli páter jáne 30 mıllıon teńgege Mercedes-Benz EQE 500 4 Matic jańa kóligin satyp alǵan.

2024 jyly 16 qarashada Astana qalasynyń tergeý soty Perızat Qaırat 2 aıǵa qamaýǵa alynǵanyn habarlady. Jýyrda Perızat Qaıratqa qatysty isti tergeý aıaqtaldy.