«Perzenthanada 4-5 kún emizip, aq sútin bergen anany taptyq». Jánibekti satyp jibergen adamnyń kim ekeni belgili boldy

«Perzenthanada 4-5 kún emizip, aq sútin bergen anany taptyq». Jánibekti satyp jibergen adamnyń kim ekeni belgili boldy
Anasyn izdep júrgen qazaq balasy Jánibek. Sýret «1001 tún» baǵdarlamasynyń skrınshoty
Qymbat Dosjan Jánibekti belgııalyq azamatshaǵa satyp jibergen adamdy qazir polıııa tergep jatqanyn málim etti
«Qazaqstan» ulttyq telearnasynyń «1001 tún» baǵdarlamasyna qonaqqa kelgen jýrnalıst Qymbat Dosjan men Ispanııada turatyn qazaq balasy Janı Savelev onyń anasyn izdeýge qatysty tyń derekterdi aıtty, dep habarlaıdy jambylinfo.kz.

Qymbat Dosjan «úlken bir ujym Jánibektiń anasyn áli taba almaı jatyr» degen synǵa qatysty pikirin bildirdi. Onyń aıtýynsha, Jánibektiń anasyn izdegen shaǵyn ǵana radıoujym bir aptanyń ishinde úlken jumystardy atqarǵan.

«Jánibek 2023 jyldyń jeltoqsan aıynda Qazaqstanǵa aıaǵyn basqannan bastap, eń alǵash «anamdy izdeımin» dep vıdeo jarııalaǵannan bastap Qazaqstannyń teń jartysy qosa jylady, qosa izdedi. Dál qazir «aıadaı ǵana Arqalyqtan nege taba almaı jatyrsyńdar» degen suraqtar kóbeıip jatyr. Al, jeltoqsan aıynda qandaı jumys istegenimizdi aıtsaq, biz bir aptanyń ishinde osy Jánibekti týǵannan keıin tórt-bes kún boıy perzenthanada jatyp, emizip, aq sútin bergen anany taptyq. Bas aıaǵy bir aptanyń ishinde taptyq», — deıdi Qymbat Dosjan.

Biraq, Qymbat Dosjan ol adamnyń qolhaty bar bolsa da, saraptama jasalsa da, DNQ saraptamasy «nól» bolǵanyn aıtady.

«Boljamdy ana qujat boıynsha sol áıel, sol áıeldiń esimimen ekinshi balasyn dúnıege ákelgen anany taptyq. Eki birdeı tapsyrǵan analız nól bolyp shyqty. Jazyp ketken qolhatyna deıin taptyq. Onyń «úıime baryp, sharýalyrymdy bitirip, túngi saǵat on shamasynda qaıtyp kelemin» dep jazyp ketken hatyn da taptyq», — deıdi ol.

Bul rette Qymbat Dosjan Ispanııadan óziniń týǵan anasyn izdep kelgen Jánibekti kezinde shetel asyryp jibergenderdiń isine qynjylyp, olar óte kóp aqsha alǵanyn aıtyp berdi.

«Men ótken suhbatymda da aıttym. Áıel adam (satqan áıel adam – red.) Jánibek úshin dep belgııalyq azamatshadan óte úlken mólsherde, myńdaǵan eýro kóleminde aqsha alǵan. Kelisimmen, kádimgideı qolynan sanap turyp alǵan. Onyń áıel ekenin, sol kezde jas kelinshek bolǵanyn, otbasy baryn, qazir jasy neshede jáne qaı jerde jumys isteıtinin, bárin bilemin. Qazir polıııa ol kisimen de aınalysyp jatyr. Biz ana deımiz-daǵy, olarǵa sóz arnaımyz. Al balamyzdyń shetel asýyna, zańsyz túrde ketýine taǵy da analardyń sebepshi bolyp otyr», — dep qynjyldy telejúrgizýshi.

Esterińizge sala keteıik, 2023 jyldyń sońynda áleýmettik jelige beıneúndeý jarııalaǵan Janı Savelev esimdi jigit óziniń qazaq ekenin, Arqalyqta dúnıege kelgenin jáne qazir týǵan anasyn izdep júrgenin málim etken edi.