پەتروپاۆلدا 17 جاستاعى قىزدى مەكتەپ ءبىتىرۋ كەشىندە الىپ قاشىپ كەتكەن: ونى وزبەكستاندىق اناسى ازاماتتىق الۋ ءۇشىن ساتىپ جىبەرگەن

فوتو: اشىق دەرەككوز

پەتروپاۆلدا 17 جاستاعى كاميلانى وتباسى وزىنەن 14 جاس ۇلكەن ەر ادامعا قازاقستاننىڭ ازاماتتىعىن الۋ ءۇشىن تۇرمىسقا بەرىپ جىبەرگەن. قىزدىڭ جاقىندارى مەن قۇربىلارى ءىستىڭ انىق-قانىعىن ايتپاي وتىر. جەرگىلىكتى قۇزىرلى ورگانداردا بۇل ىسكە مۇلدەم شارا قولدانا المايتىندارىن مالىمدەدى. بۇل تۋرالى Stan.kz اقپارات اگەنتتىگى زەرتتەپ كوردى.

قىزدى الىپ قاشىپ كەتكەنى تۋرالى العاشقىلاردىڭ ءبىرى بولىپ Batyr Jamal باسىلىمى جەتكىزدى.

قۇربىسىنىڭ ايتۋىنشا, بويجەتكەننىڭ اناسى ونى 31 جاستاعى جىگىتكە ساتىپ جىبەرگەن. ال اناسى قىزىنىڭ ءوزى تۇرمىسقا شىققىسى كەلەتىنىن العا تارتىپ, ەشكىممەن سويلەسكىسى كەلمەي وتىر.  كاميلانىڭ قۇربىلانىڭ ءبىرى ونىڭ قانداي جاقسى قىز بولعانىن ايتىپ بەردى.

«كاميلا وتە اشىق, اقكوڭىل, جارقىن ءجۇزدى قىز. ولار بىلتىر وزبەكستاننان پەتروپاۆلعا كوشىپ كەلگەن. دالىرەك ايتقاندا, كامەلەتكە تولماعان قىزدى ەركەككە ساتىپ جىبەردى. قازاقستان ازاماتتىعىن ونىڭ وتباسى مەن ءوزى دە الماعان. اناسى تىركەۋگە تۇرۋ ءۇشىن قىزىن 31 جاستاعى ەر ادامعا ۇيلەندىردى. كۇيەۋىنىڭ 1993 جىلى تۋعانىن جانە تۇركىستان وبلىسىنداعى تەمىرجول ستانتسياسى بار قالانىڭ ءبىرىندى تۇراتىنىن عانا بىلەمىز. كوپ ۇزاماي ءبىز ەر ادامنىڭ Instagram اككاۋىن تاپتىق. ول ءبىزدىڭ قۇربىمىزبەن بىرگە بىرنەشە فوتو ورنالاستىرعان ەكەن. كوشەدە بىرگە كەتىپ بارا جاتقان فوتوسىن كەيىن ءوشىرىپ تاستادى. بۇعان دەيىن كاميلانىڭ ءۇي شارۋاسىمەن اينالىسىپ جاتقان ۆيدەوسى بولعان. بىزدەن بولەك تاعى باسقا دوستارى ونىڭ اناسىمەن قايتا-قايتا سويلەسۋگە تىرىستى. سىنىپ جەتەكشىسى دە قىزدىڭ جاقىندارىمەن جاي تىلدەسۋگە تىرىسىپ كورگەنىمەن, ءبارى بەكەرگە كەتتى. ول اڭگىمەدەن جالتارىپ, اگرەسسيۆتى سويلەپ, مۇلدەم قارسى بولماعانىن ايتتى. قالاي بولعاندا دا, جەكە ومىرگە ارالاساتىن ءبىز كىمبىز?» – دەدى قۇربىسى.

قۇربىسى كاميلانىڭ ۇبت تاپسىرۋى كەرەك بولعانىن ايتتى. بىراق ونى الىپ قاشقاندىقتان قىز ەمتيحاننان وتە الماعان.

كاميلانى دوستارىن تەلەفوندا بلوكتاپ, بايلانىسقا شىقپاي كەتكەن. قىزدار كاميلانىڭ وقۋىن بىتىرگەننەن كەيىن بىردەن ۇرلانعانىن بىلەدى.

«اۋەلى ول ۇيىنە تاكسيمەن بارعان. كەيىن اكەسى قىزىن تەمىرجول ستانتسياسىنا جەتكىزىپ تاستاعان. ءبىز «نە مولچي» قورىنا حابارلاسىپ كورىپ ەدىك ولار دا ەشنارسە ىستەي المايتىنىن ايتتى. قۇربىم ول ەركەككە ءوز ەركىنەن تىس شىققانىن مويىنداماي وتىر. ول ءوزىن جاقسى كورەتىنىن جانە ەكى جاستا ءبارى جاقسى ەكەنىن ايتادى», – دەپ ءتۇسىندىردى قۇربىسى.

سىنىپ جەتەكشىسى دە پوليتسياعا حابارلاستى, ولار دا وسىنداي مالىمدەمە جاسادى. ارىزدى جازۋعا بولمايدى, سەبەبى ونى تۋىستارى جازۋى كەرەك دەدى پوليتسەيلەر.

ء«بىز ونىڭ اتا-اناسىنان باسقا تۋىستارىن بىلمەيمىز, سوندىقتان بولعان جايت تۋرالى ايتۋدى ءجون كوردىك. مۇمكىن قالىڭ كوپشىلىكتى پىكىرى بىزگە كومەكتەسىپ قالار…», – دەدى قۇربىسى.

Stan.kz ءتىلشىسى سولتۇستىك قازاقستان وبلىسى پوليتسيا دەپارتامەنتىنە جۇگىنگەن ەدى. پوليتسيا وكىلىنىڭ ايتۋىنشا, اتالعان فاكتى بويىنشا قۇقىق قورعاۋ ورگاندارىنا قىزدىڭ تانىستارى مەن تۋىستارى ەشقانداي ارىز تۇسىرمەگەن.

ەسكە سالايىق, بۇعان دەيىن شىمكەنتتە قىزدى الىپ كەشۋ دەرەگى بويىنشا ەر ادام ۇستالعانىن جازدىق. شىمكەنت پروكۋراتۋراسىنىڭ مالىمەتىنشە, 2024 جىلدىڭ 16 قاڭتارىندا قالاداعى پوليتسياسىنىڭ كەزەكشى بولىمىنە م.ا. ەسىمدى ازاماتشا قىزىن ۇيلەنۋ ماقساتىندا بەلگىسىز ەر ازاماتتىڭ ۇرلاپ كەتكەنى تۋرالى حابارلاعان.