پوليگوندا قازا بولعان ساربازدى كوماندير قاساقانا ولتىرگەن بولۋى مۇمكىن

فوتو: Tengrinews.kz/ تۇرار قازانعاپوۆ

باس اسكەري پروكۋراتۋرا اقتاۋدا بورىشىن وتەپ جۇرگەن ساربازدىڭ ولىمىنە قاتىستى تۇسىنىكتەمە بەردى, – دەپ حابارلايدى Massaget.kz تىلشىسى.

مەملەكەتتىك ورگاننىڭ مالىمەتىنشە, 2024 جىلى 7 قىركۇيەكتە ساعات 17:10 شاماسىندا اقتاۋداعى «ويماشا» پوليگونىنىڭ اۋماعىنداعى قورعانىس مينيسترلىگىنىڭ اسكەري بولىمدەرىنىڭ ءبىرىنىڭ ۆزۆود كومانديرى قاتارداعى ب.-عا پم تابەلدىك تاپانشاسىنان وق اتتى. سالدارىنان سارباز قايتىس بولدى.

«سول كۇنى باتىس وڭىرلىك اسكەري-تەرگەۋ باسقارماسى قاساقانا كىسى ءولتىرۋ دەرەگى بويىنشا سوتالدى تەرگەپ-تەكسەرۋدى باستادى (1-ءبولىم قك 99-بابى). تەرگەۋ ورگانى كۇدىكتىنى قىجك-ءنىڭ 128-بابىنىڭ تارتىبىمەن ۇستادى جانە اقتاۋ ااك-نە قاماۋعا الدى. قىلمىستىڭ سەبەبى مەن وزگە دە ءمان-جايىن انىقتاۋ ءۇشىن تەرگەۋ ءىس-شارالارىنىڭ قاجەتتى كەشەنى جۇرگىزىلىپ جاتىر», – دەلىنگەن باس اسكەري پروكۋراتۋرانىڭ حابارلاماسىندا.

ءىس بويىنشا ءىس جۇرگىزۋ پروكۋرورى تاعايىندالدى.

باس اسكەري پروكۋراتۋرا تەرگەۋ بارىسىن ەرەكشە باقىلاۋعا الدى.